باغی ٹی وی کی رپورٹ کے مطابق انسداد دہشت گردی عدالت نے جماعۃ الدعوۃ کے سربراہ پروفیسر حافظ محمد سعید سمیت چھ رہنماؤں کو ایک اور مقدمہ میں سزائیں سنا دیں،
اے ٹی سی کورٹ نمبر 3 کے جج اعجاز احمد بٹر کی جانب سے حافظ محمد سعید، حافظ عبدالسلام بن محمد، پروفیسر ظفر اقبال، محمد اشرف اور یحییٰ مجاہد کو ساڑھے پندرہ، پندرہ سال جبکہ پروفیسر حافظ عبدالرحمن مکی کو چھ ماہ قید کی سزا سنائی گئی ہے، مذکورہ رہنماؤں کو دو، دو لاکھ جرمانہ بھی ادا کرنا ہو گا،
جمعرات کے دن عدالت میں سی ٹی ڈی کی طرف سے درج مقدمہ نمبر 32/19 کی سماعت ہوئی جس میں مزید گواہوں کے بیانات ریکارڈ کیے گئے، گزشتہ کئی دنوں سے جاری اس مقدمہ میں گواہوں کے بیانات ریکارڈ اور جرح کا عمل مکمل ہونے پر فیصلہ سنایا گیا ہے، گواہوں کے بیانات ہر حافظ محمد سعید و دیگر رہنماؤں کے وکیل نصیرالدین نیئر اور محمد عمران فضل گل ایڈووکیٹ کی طرف سے جرح کی گئی،
واضح رہے کہ اس سے قبل بھی حافظ محمد سعید کے خلاف تین مقدمات کے فیصلے سنائے جا چکے ہیں، اے ٹی سی عدالتوں میں جماعۃالدعوۃ رہنماؤں کے خلاف مزید کئی مقدمات زیر سماعت ہیں، جماعۃ الدعوۃ کے رہنماؤں کو عدالت پیش کیے جانے کے موقع پر سکیورٹی کے سخت انتظامات کئے گئے تھے،
