ایک سے دس برس کے کتنے بچوں کی پاکستان میں کرونا سے ہوئی موت؟

ایک سے دس برس کے کتنے بچوں کی پاکستان میں کرونا سے ہوئی موت؟

پاکستان میں کرونا کی دوسری لہر جاری ہے، کرونا مریضوں اور اموات میں مسلسل اضافہ ہو رہا ہے

این سی او سی کے مطابق پاکستان میں کرونا کے مزید 2 ہزار 253 نئے کیس سامنے آئے ہیں جبکہ 29 اموات ہوئی ہیں پاکستان میں کورونا سے اموات کی مجموعی تعداد 13 ہزار 537 تک پہنچ گئی جبکہ متاثرہ افراد کی مجموعی تعداد 6 لاکھ7 ہزار453ہو گئی ہے۔ملک بھرمیں ایکٹو کیسز کی تعداد 22 ہزار38ہے۔ 5 لاکھ 71 ہزار878 افراد کورونا سے صحتیاب ہوچکے ہیں۔

این سی او سی کے مطابق 51سے 61سال کے 3ہزار400 سے زائد افراد کورونا سے انتقال کرگئے،71سے 80 سال کے 2 ہزار 400 افراد کورونا سے انتقال کرگئے،کورونا کے باعث سب سے کم اموات ایک سے 10سال کے متاثرہ بچوں کی ہوئیں،1سے10 سال کے 38 بچے کورونا سے انتقال کر گئے،پاکستان میں کورونا سے ہونے والی اموات میں 68 فیصد مرد شامل ہیں پاکستان میں کورونا سے ہونے والی اموات میں خواتین کی شرح اموات 32 فیصد رہی،پاکستان میں بڑے شہروں میں کورونا کے باعث سب سے زیادہ اموات کراچی میں ہوئیں،کورونا کے باعث اموات میں دوسرے نمبر پر لاہور، تیسرے پر راولپنڈی چوتھے پر پشاور رہا،

پاکستان میں سب سےزیادہ شرح اموات صوبہ پنجاب میں ہوئی،پنجاب میں مجموعی طور پر 5ہزار 700 سےزائد افراد کورونا سے انتقال کرگئے ،پنجاب میں کورونا سے انتقال کرنے والوں کی سب سے زیادہ تعداد لاہورمیں رہی کورونا کے باعث اموات کے اعتبار سے سندھ دوسرے نمبر پر ہے،کورونا کے باعث سندھ میں 4ہزار 450 سے زائد اموات ہو چکی ہیں،

کرونا کی نئی لہر کے بعد پنجاب کے 7 شہروں میں 29 مارچ تک سمارٹ لاک ڈاؤن لگا دیا گیا۔لاہور، راولپنڈی، سرگودھا، فیصل آباد، ملتان، گوجرانوالہ اور گجرات میں نئی پابندیاں عائد کی گئی ہیں۔مارکیٹس اور بازار 29 مارچ تک شام 5 بجے بند ہوں گے جبکہ ہفتے اور اتوار کو مکمل شٹر ڈاؤن ہوگا۔ تفریحی مقامات اور پارکس کو شام 6 بجے تالے لگ جائیں گے۔ سینما ہالز، تھیٹرز، میرج ہالز، کمیونٹی سنٹرز اور مارکیز مکمل بند ہیں، صرف کھلے مقامات پر تقریبات کی اجازت ہوگی جن میں تین سو سے زائد افراد شرکت نہیں کرسکیں گے۔ریسٹورنٹس اور کیفے میں صرف ٹیک اوے کی اجازت ہے جبکہ میڈیکل سروسز، پٹرول پمپس، اشیا ضروریہ کی دکانیں چوبیس گھنٹے کھلی رہیں گی۔ سرکاری اور نجی دفاتر میں صرف 50 فیصد سٹاف بلانے کی اجازت ہے۔