آئمہ بیگ کے انگریزی گانے کا ٹیزر جاری

پاکستان میوزک انڈسٹری کی معروف گلوکارہ آئمہ بیگ اور گلوکار عبداللہ صدیقی کا انگریزی گانا ‘بی مائی سیلف’ کا ٹیزر جاری کردیا گیا۔

باغی ٹی وی : گلوکارہ آئمہ بیگ نے اپنے نئے گانے کا ٹیزر سماجی رابطے کی ویب سائٹ انسٹاگرام پر جاری کیا ہے-

آئمہ بیگ نے گانے کا ٹیزر جاری کرتے ہوئے بتایا کہ گانا ریلیز ہونے کے بعد میں آپ سب سے اپنا تجربہ شیئر کروں گی کہ ہم نے اس گانے کے بول کیسے لکھے اور اس کی موسیقی ترتیب دینے کے ساتھ ساتھ اسے کیسے شوٹ کیا۔

آئمہ بیگ کے اس انگریزی گانے کو ان کے قریبی دوست شہباز شگری نے ڈائریکٹ کیا ہے۔

آئمہ بیگ کی جانب سے جاری کئے گئے ٹیزر پر عائشہ عمر اور اشنا شاہ کی جانب سے ردعمل دیتے ہوئے بے حد پسند کیا گیا-

خیال رہے کہ اس سے قبل گلوکارہ آئمہ بیگ نے جون میں ہسپانوی ٹائٹل ‘تے کیرو’ کے ساتھ گانا ریلیزکیا تھا جسے خوب پسند کیا گیا تھا۔