خیبر پختونخوا میں اے این پی اور جے یو ائی ف آمنے سامنے ،اے این پی خیبرپختونخوا کے صدر ایمل ولی خان کا مولانا فضل الرحمان کی صحافیوں سے گفتگو پر ردعمل دیتے ہوئے کہا ہے کہ یہ پختونخوا کی حکومت ہے کوئی حلوہ نہیں کہ ہر کوئی کھائے، ایمل ولی خان نے کہا حکومتوں کے بھوکے اور بھکاری نہیں، میں نے کسی بزرگ کی بڑی کرپشن کی بات نہیں کی، پختونخوا میں مذہب کے نام پر جو من و سلویٰ جاری ہے، ابھی اس کا ذکر بھی نہیں کیا،صوبائی صدر اے این پی نے کہا میں نے صرف گورنر کی بات کی، قوم کو پتہ ہے کہ وہ مولانا اور انکی پارٹی کیلئے شرم کا باعث بن چکا ہے، خود کا کیا دوسروں پر ڈالنا آسان ہے، اپنے سمدھی اور فیصلوں کو اپنانے کی ہمت پیدا کریں، ایمل ولی خان نے اے این پی کو مخاطب کرتے ہوئے کہا کہ میری عظیم غلطی ہے کہ غلام علی کی حمایت کی اور میں اپنی یہ غلطی مانتا ہوں، اس نے مولانا کو کہا مجھ معلوم نہیں تھا کہ کے پی کے گورنر غلام علی کیسا بندہ ہے، آپ کے گھر کا بندہ ہے ، آپ انہیں خوب جانتے تھے، پھر بھی آپ نے انکو عوام پر مسلط کر دیا،ایمل ولی نے کہا کہ گورنر کے پی کے پر عدم اعتماد کرنے سے پیغام دیا جارہا ہے کہ میں سب کچھ اسٹیبلشمنٹ کے کہنے پر کررہا ہوں، جبکہ میں صرف حقیقت بیان کررہا ہوں، ایمل ولی نے مولانا فضل الرحمن کی طرف اشارہ کرتے ہوئے کہا دین کا لباس اوڑھے ملک کا جو حشر کیا ہے، ایک دن اس کا جواب دینا ہوگا، ایمل ولی خاننے ایک بار پھر دہرایا ، گورنرپختونخوا جے یو آئی کیلئے باعث شرمندگی بن رہا ہے ،اس نے
آنیوالے انتخابات میں بھرپور حصہ لینے کا عزم ظاہر کیا اور کہا زیادہ تر امیدواران نامزد ہوچکے ہیں، ایمل ولی خان نے کہا اے این پی کسی بھی بیساکھی کی محتاج نہیں، عوام ہماری طاقت ہے اور رہے گی،ہم حکومت کے بھوکے نہیں، عوامی خدمت، حقوق اور امن کیلئے صف اول کا کردار ادا کرتے رہیں گے، ایمل ولی خان نے کہا کہ قوم نے موقع دیا تو اسی طرح خدمت کریں گے جس طرح ماضی میں کی ہے،
