کراچی میں مین ہول کی صفائی کے دوران 3 خاکروب جان کی بازی ہار گئے ہیں۔
کراچی کے علاقے گارڈن میں مین ہول کی صفائی کے دوران آکسیجن کی کمی سے 3 مزدور جان سے ہاتھ دھو بیٹھے، ریسکیو ٹیم نے موقع پر پہنچ کر لاشوں کو ہسپتال منتقل کیا،ریسکیو حکام نے بتایا کہ گارڈن میں مین ہول کی صفائی کے دوران پیش آنے والا واقعہ آکسیجن کی کمی کے باعث پیش آیا،تینوں خاکروب مین ہول کی صفائی میں مصروف تھے، اس دوران آکسیجن کی کمی سے وہ اپنی جانوں سے ہاتھ دھو بیٹھے، جن کی لاشیں ہسپتال منتقل کی گئی ہیں، مرنے والوں کی فوری طور پر شناخت نہیں ہوسکی۔
ٹرمپ کی بگرام ایئربیس واپس نہ کرنے پر افغانستان کو سنگین نتائج کی دھمکی
اس سے قبل جون میں کراچی کے علاقے ابراہیم حیدری میں پانی کے ٹینک میں دم گھٹنے سے چار افراد جان کی بازی ہار گئے تھےیہ افسوس ناک واقعہ گھر میں پانی کے ٹینک کی صفائی کے دوران پیش آیا تھا، مرنے والے افراد کی لاشوں کو جناح ہسپتال منتقل کر دیاگیا تھا۔
ذرائع کا کہنا ہے کہ پانی کے ٹینک میں مبینہ طور پر گٹر کا پانی بھر گیا تھا، جس کے باعث ٹینک میں زہریلی گیس پیدا ہو گئی تھی، صفائی کی غرض سے ٹینک میں اترنے والے چاروں افراد دم گھٹ کر جاں بحق ہوئے۔
ایران کا عالمی جوہری ایجنسی سے تعاون معطل کرنے کا اعلان
