چنئی ائیرپورٹ سے ایئر انڈیا کا ملازم سونا اسمگل کرتے ہوئے پکڑا گیا

بھارتی شہر چنئی کے بین الاقوامی ایئرپورٹ سے ایئر انڈیا کا ملازم سونا اسمگل کرتے ہوئے پکڑا گیا۔

باغی ٹی وی: حکام کے مطابق ایئر انڈیا کے کیبن کریو ممبر کو چنئی کے ہوائی اڈے پر مسافر کو 24 قیراط کے 1 کلو 700 گرام سونا اسمگل کرنے میں مدد دینے کے الزام میں پکڑا گیا ایئرپورٹ حکام کے طیارے کے اسٹاف ممبر اور ایک مسافر کو اس وقت روکا گیا جب وہ دبئی سے ایئر انڈیا کی ایک پرواز کے ذریعے چنئی پہنچے تھے مسافر نے فلائٹ کے اندر جہاز کے عملے میں شامل ایک ملازم کو سونا دینے کا اعتراف کر لیا ہے۔

دوسری جانب حکام نے چنئی ایئرپورٹ سے ہی کینیا کی خاتون کو 14 کروڑ سے زائد بھارتی روپے مالیت کے کوکین کے 90 کیپسولوں سمیت حراست میں لے لیا۔

کسٹمز حکام نے بتایا کہ کینیا کی خاتون مسافر ایتھوپین ایئر لائنز کے ذریعے ادیس ابابا سے چنئی ائیر پورٹ پہنچی تھی، اسے شک کی بنیاد پر روکا گیا، تلاشی لینے پر اس کے سامان سے کوکین کے 90 کیپسول برآمد ہوئے خاتون کے قبضے سے مجموعی طور پر 1 کلو 400 گرام کوکین برآمد ہوئی، منشیات کو تجزبہ کے لئے لیبارٹری بھیج دیا گیا، جبکہ غیر ملکی خاتون کوعدالتی حراست میں جیل روانہ کر دیا گیا۔