ائیر انڈیا نے 180 سے زائد ملازمین کو فارغ کردیا

ممبئی: معروف بھارتی ائیر لائن ائیر انڈیا نے نقصان کو پورا کرنے کے لیے 180 سے زائد ملازمین کو فارغ کر دیا ہے-

باغی ٹی وی :بھارتی میڈیا کے مطابق ائیر انڈیا کےترجمان کی جانب سے جاری بیان میں کہا گیا کہ فٹمنٹ کے عمل کو مدنظر رکھتے ہوئے نان فلائنگ فنکشنز میں ملازمین کو تنظیمی ضروریات اور انفرادی میرٹ کی بنیاد پر کردار تفویض کیے گئے ہیں، جبکہ نکالا جانے والا تمام عملہ نان فلائنگ اسٹاف ہے۔

ترجمان کے مطابق گزشتہ 18 ماہ سے تمام ملازمین کی آسائش کو دیکھتے ہوئےجامع عمل کو عمل درآمد کیاجا رہا ہےاس دوران کئی رضاکارانہ ریٹائرمنٹ اسکیم متعارف کرائی گئی ہیں، جبکہ ملازمین کو ری اسکلنگ کے مواقع بھی د ئیے گئے تاہم 1 فیصد سے بھی کم ملازمین رضا کار انہ ریٹائرمنٹ یا ری اسکلنگ مواقع حاصل کرنے میں ناکام رہے ہیں، جنہیں اب ہم سے الگ ہونا پڑے گا۔

روس میں صدارتی انتخابات،یوکرین کے ماسکو سمیت مختلف شہروں میں ڈرون حملے

ائیر انڈیا کی جانب سے نکالے جانے والے ملازمین کی مخصوص تعداد تو نہیں بتائی گئی تاہم بھارتی میڈیا کے ذرائع کے مطابق 180 سے زائد ملازمین کو نکالا جا سکتا ہے جبکہ ائیرلائن میں اس وقت 18 ہزار کے قریب ملازمین ہیں۔

واضح رہے نقصان میں چلنے والی ائیر انڈیا کو 2022 میں ٹاٹا گروپ نے خرید لیا گیا تھا،جس کے بعد سے اب تک 2 مرتبہ رضاکارانہ طور پر ریٹائرمنٹ اسکیم کی آفر کی گئی ہے۔

افغانستان میں خطرناک ٹریفک حادثہ،21 افراد ہلاک اور 38 زخمی

17 مارچ تاریخ کے آئینے میں