، امریکی ایئر لائنز کے ایک طیارے میں ڈینور ایئرپورٹ پر آگ لگ گئی۔ ایئرپورٹ کے گیٹ سی 38 پر موجود اس طیارے میں اچانک آگ بھڑک اُٹھی جس سے ایئرپورٹ پر شدید دھواں پھیل گیا۔ فوری طور پر ایمرجنسی خدمات پہنچ گئیں اور تمام 178 مسافروں کو طیارے سے باہر نکال لیا گیا۔
ذرائع کا کہنا ہے کہ خوش قسمتی سے اس واقعے میں کسی قسم کا جانی نقصان نہیں ہوا۔ مسافروں کو بحفاظت طیارے سے باہر نکالنے کے بعد ایئرپورٹ پر ایمرجنسی صورتحال کو کنٹرول کر لیا گیا ہے۔اس واقعے کی تحقیقات جاری ہیں تاکہ اس بات کا پتا چل سکے کہ طیارے میں آگ لگنے کی وجہ کیا تھی اور آئندہ کے لیے اس طرح کے واقعات کو روکنے کے لیے کیا تدابیر اختیار کی جا سکتی ہیں۔
امریکی ایئر لائنز کی طرف سے ابھی تک کوئی باضابطہ بیان جاری نہیں کیا گیا، لیکن ایئرپورٹ حکام نے کہا ہے کہ معمول کی پروازیں جلد ہی بحال کر دی جائیں گی۔
