اسلام آباد : انسداد دہشت گری عدالت نے خاور مانیکا کو تشدد کا نشانہ بنانے پر مقدمے میں نامزد پاکستان تحریک انصاف کےوکلا کو آخری موقع دیتے ہوئے آج ہی شامل تفتیش ہونے کا حکم دے دیا۔
باغی ٹی وی: انسداد دہشت گردی عدالت اسلام آباد میں پی ٹی آئی وکلا کے خلاف خاور مانیکا کو تشدد کا نشانہ بنانے پر درج مقدمے پر سماعت ہوئی ، جج طاہر عباس سپرا نے درخواست پر سماعت کی، پی ٹی آئی وکلا زاہد ڈار ایڈووکیٹ برکی مرزا ، عاصم بیگ سمیت مقد مے میں نامزد افراد عدالت پیش ہوئے ۔
عدالت میں پی ٹی آئی وکلا کے ساتھ اظہار یکجہتی کے لیے اسلام آباد ہائیکورٹ بار اور ڈسٹرکٹ بار کے نمائندے بھی عدالت پیش ہوئے،پی ٹی آئی وکیل سردار مصروف انصر کیانی ، رضوان ایڈووکیٹ ، اسلام آباد ہائیکورٹ بار کے صدر ریاست آزاد ڈسٹرکٹ بار کے صدر شکیل عباسی، سیکرٹری شورش حسن عدالت پیش ہوئے۔
عدالت کا خواتین کے شناختی کارڈ پر والد کے نام کیلئے قواعد میں ترمیم کا …
دوران سماعت تفتیشی افسر نے عدالت کو بتایا کہ ملزمان ابھی تک شامل تفتیش نہیں ہوئے نہ ہی تعاون کیا،جج طاہر عباس سپرا نے ملزمان کو شامل تفتیش ہونے کے لئے آخری موقع دیتے ہوئے ہدایت کی کہ وکلا آج ہی شامل تفتیش ہوں،بعدازاں عدالت نے درخواست ضمانت پر سماعت کل تک کے لیے ملتوی کر دی۔
