ٹی ٹوئنٹی ورلڈ کپ میں پاکستان اپنا دوسرا میچ آج زمبابوے کے خلاف کھیلے گا۔
باغی ٹی وی : پرتھ میں پاکستان اور زمبابوے کے درمیان ہونے والا میچ پاکستانی وقت کے مطابق شام چار بجے شروع ہوگا میچ سے پہلے پاکستانی کھلاڑیوں نے دو سیشنز میں بھر پور ٹریننگ کی ہے۔
ذرائع کے مطابق پاکستان ٹیم زمبابوے کے خلاف چار فاسٹ بولرز کے ساتھ میدان میں اترے گی محمد وسیم کو فائنل الیون میں شامل کیا جا سکتا ہے، حیدر یا آصف علی میں سے ایک کھلاڑی کو ڈراپ کیا جائے گا، فخر زمان کی فٹنس میں بھی بتدریج بہتری آئی ہے۔
دوسری جانب آئی سی سی ٹی ٹوئنٹی ورلڈ کپ کے سُپر 12 مرحلے میں جنوبی افریقا اور بنگلادیش کا میچ بارش کے باعث روک دیا گیاسڈنی کرکٹ گراؤنڈ میں کھیلے جا رہے میچ میں جنوبی افریقا نے بنگلا دیش کے خلاف ٹاس جیت کر بیٹنگ کا فیصلہ کیا۔
تاہم بارش کے باعث میچ روک دیا گیا ہے، جنوبی افریقا نے 1 وکٹ کے نقصان پر 60 رنز بنالیے ہیں جب کہ 5.3 اوورز کا کھیل مکمل ہوچکا ہے-