آج شام عمران خان کی کال پر لبرٹی چوک لاہور میں جلسہ ہوگا،ترجمان پنجاب حکومت

ترجمان پنجاب حکومت مسرت جمشید نے کہا ہے کہ آج شام عمران خان کی کال پر لبرٹی چوک لاہور میں جلسہ ہوگا-

باغی ٹی وی : ترجمان پنجاب حکومت مسرت جمشید کے مطابق چیئرمین پی ٹی آئی عمران خان 8 بجے جلسے سے خطا ب کریں گے جس میں عمران خان خطاب میں ملکی سیاسی مستقبل سے متعلق اعلان کریں گے،عمران خان کے خطاب کو مختلف شہروں میں بڑی اسکرین پر بھی دکھایا جائے گا-

ہتک عزت کیس: عمران خان کا دفاع کا حق ختم کرنے کا فیصلہ درست تھا،لاہور ہائیکورٹ

ترجمان پنجاب حکومت نے کہا کہ پاکستان کی معاشی حالت بگڑتی جا رہی ہے،سیاسی استحکام کے بغیر کوئی بہتری ممکن نہیں،موجودہ صورتحال میں فوری الیکشن ہی واحد حل ہیں،شریف خاندان کے اکاؤنٹس میں کروڑوں روپوں کی ٹی ٹیاں آتی رہیں،عدالت کے پوچھنے پر جواب میں یہی کہتے رہے کہ پتہ نہیں، پیسے کہاں سے آرہے تھے-

اسلام آباد ایئرپورٹ سے ڈیوٹی ٹیکس کے بغیر موبائل فونز کلیئرکرانے کا انکشاف

مسرت جمشید نے کہا کہ پنجاب ، خیبر پختونخوا ، کشمیر اور گلگت بلتستان کی رقوم وفاق نے ضبط کرلیں،فارن ریزرو 7 ارب ڈالر سے بھی کم رہ گئے وہ بھی دوست ممالک کے ہیں،جب عمران خان کو ہٹایا گیا اس وقت خزانے میں 22 ارب ڈالر تھے،سفارت خانوں کے پاس تنخواہوں کے پیسے نہیں ہیں جبکہ وزیر خارجہ بلاول کے دوروں پر 2 ارب روپے خرچ ہوچکے ہیں-

مصطفیٰ نواز کھوکھر کا پیپلزپارٹی چھوڑنےکا اعلان