فلم سیلفی کی پروموشن، اکشے کمار اور سلمان خان کی ویڈیو سوشل میڈیا پر وائرل

بھارتی فلم انڈسٹری کے سپُر اسٹار اکشے کمار اور سلمان خان کے ڈانس کی ویڈیو سوشل میڈیا پر وائرل ہو گئی۔

باغی ٹی وی : بالی ووڈ کے کھلاڑی اکشے کمار کی نئی فلم ’ سیلفی‘ جلد ریلیز ہونے جا رہی ہے جس کی پروموشن کے لیے اکشےکمار نے نیا طریقہ اپنایا ہے،اسی سلسلے میں فلم کے گانے ’میں کھلاڑی تو اناڑی‘ پر ڈانس کے ذریعے اکشے کمار اور عمران ہاشمی فلم کی خوب تشہیر کر رہے ہیں۔

انہوں نے اپنی فلم کے گانے ’’میں کھلاڑی تو اناڑی ‘‘ پر پہلے ٹائیگر شیروف کے ساتھ ڈانس ویڈیو بنائی تھی اور اب اسی گانے پر وہ سلمان خان کے ساتھ ناچتے ہوئے نظر آئے ہیں۔

اکشے نے ویڈیو کو شیئر کرتے ہوئے لکھا کہ اور جب’میں کھلاڑی‘ پر سلمان خان نے ڈانس کیا تو اُنہیں اس گانے کی دھن کو سمجھنے میں پر بمشکل چند سیکنڈ لگے اور پھر کیا بھائی، بس دھوم مچ گئی-

اداکار کی جانب سے شیئر کی گئی اس ویڈیو کو اب تک میں 77 لاکھ 82 ہزار سے زائد لوگوں نے ویڈیو کو لائیک کیا ہے جبکہ 3 کروڑ سے زائد مرتبہ دیکھا جا چکا ہے اور صارفین کی جانب سے اس ویڈیو کو بہت پسند کیا جارہا اور اس پر دلچسپ تبصرے بھی کیے جارہے ہیں۔

اداکار اکشے کمار اور عمران ہاشمی کی 24 فروری کو ریلیز ہونے والی اس فلم کی کہانی ٹریلر کے مطابق وجے کمار (اکشے کمار) نامی ایک فلمی ہیرو اور اوم پرکاش (عمران ہاشمی) نامی ایک پولیس افسر کے گرد گھومتی ہے جو اپنے پسندیدہ اداکار کا مداح ہے اور اس کے ساتھ سیلفی بنوانا چاہتا ہے تاہم اس مقصد میں ناکام ہونے کے بعد وہ پولیس کے اختیارات کا ناجائز استعمال کرتےہوئے سیلفی کی خاطر وجے کمار کو ڈرائیونگ لائسنس لینے کے لیے پولیس سٹیشن طلب کرتا ہے جہاں سے دونوں کے درمیان معاملات تلخ ہوجاتے ہیں۔

فلم میں اکشے کمار اور عمران ہاشمی کے علاوہ اداکارہ نشرت بھروچا مرکزی کردار ادا کر رہی ہیں جبکہ فلم کی ہدایتکاری راج مہتا نے کی ہے جبکہ سیلفی 2019 میں ریلیز ہونے والی جنوبی انڈیا کی ملیالم انڈسٹری کی فلم ’ڈرائیونگ لائسنس‘ کا ریمیک ہے،اس فلم کی ایک خاص بات یہ بھی ہے کہ اس میں 1994 میں اکشے کمار اور سیف علی خان کی ریلیز ہونے والی سپر ہٹ فلم ’میں کھلاڑی تو اناڑی‘ کا ٹائٹل ٹریک بھی شامل کیا گیا ہے