کشمیر کی آزادی کے لئے قوم پاک فوج کے ساتھ کھڑی ہے، علی امین گنڈا پور

وفاقی وزیر برائے امور کشمیر علی امین گنڈا پور نے کہا ہے کہ کشمیر کی آزادی کے لئے قوم پاک فوج کے ساتھ کھڑی ہے

باغی ٹی وی کی رپورٹ کے مطابق وزیراعظم عمران خان کے مظفر آباد میں جلسہ سے قبل پاکستان و کشمیر کا قومی ترانہ بجایا گیا، سٹیج سیکرٹری کے فرائض فیصل نے انجام دیئے، وزیراعظم آزاد کشمیر پنڈال میں پہنچے تو ان کا بھر پوراستقبال کیا گیا .

معاون خصوصی فردوس عاشق اعوان،نعیم الحق اور وفاقی وزیر علی امین گنڈا پوربھی موجود تھے، وفاقی وزیر ریلوے شیخ رشید احمد بھی سٹیج پر موجود تھے ،وزیر اعظم آزاد کشمیر راجہ فاروق حیدر بھی سٹیج پر موجود تھے.

جلسہ گاہ میں خواتین کی بڑی تعداد بھی موجود تھی، شرکاء نے کشمیری پرچم اٹھا رکھے تھے جبکہ کشمیریوں کے حق میں نعرے لگائے گئے

وفاقی وزیر علی امین گنڈا پور نے کہا کہ کشمیری حق کی جنگ لڑ رہے ہیں، کشمیری عوام کا شکر گزار ہوں، مقبوضہ کشمری کے لوگوں کے ساتھ کھڑے ہیں، مودی کا بھیانک چہرہ میڈیا دنیا کے سامنے عیاں کر رہا ہے، چالیس روز سے مقبوضہ کشمیر کو ایک جیل بنایا گیا ہے، پاک فوج کو بھی سلام پیش کرتا ہوں جنہوں نے کشمیر کے لئے آخری گولی تک لڑنے کا اعلان کیا،پوری قوم پاک فوج کے ساتھ کھڑی ہے،کشمیریوں کو جلد آزادی ملے گی،وزیراعظم عمران خان نے کشمیر کا سفیر بننے کا وعدہ کیا،