علی امین اور پی ٹی آئی بڑھکیں رنگ بازی سے زیادہ کچھ نہیں،خواجہ آصف

وزیر دفاع خواجہ آصف نے علی امین کی باتوں کو محض "رنگ بازی” قرار دیا اور کہا کہ پی ٹی آئی کے بانی کے خلاف ان کے 15 دن گزرنے کے بعد کوئی مؤثر کارروائی نہیں کی جائے گی۔ انہوں نے واضح کیا کہ اگر گنڈاپور سیاسی عزائم لے کر پنجاب آئیں گے تو انہیں خوش آمدید کہا جائے گا، لیکن اگر ان کے عزائم سیاسی نہ ہوئے تو پوری قوت سے جواب دیا جائے گا۔خواجہ آصف نے دعویٰ کیا کہ مولانا فضل الرحمان کی جانب سے اب کوئی رنجش یا ناراضی نہیں رہی، اور دو ایک روز میں اس پر مثبت نتائج سامنے آئیں گے۔ وزیر دفاع نے بانی پی ٹی آئی کی مایوسی کا ذکر کرتے ہوئے کہا کہ ان کے حالیہ جلسے اور بنگلادیش کی مثالیں بے بنیاد ہیں۔ انہوں نے کہا کہ میاں نواز شریف کی قوم کو ضرورت ہے اور ان کی طویل جدوجہد کو مدنظر رکھتے ہوئے، پی ٹی آئی کے ایک سال کی مشکلات کو کم اہمیت دی جانی چاہیے۔