ممتاز حیدر
گورنر خیبر پختونخوا فیصل کریم کنڈی نے وزیرِ اعلیٰ کے پی علی امین گنڈا پور سے اعتماد کا ووٹ لینے کا مطالبہ کر دیا
صحافیوں سے بات چیت کرتے ہوئے گورنر خیبر پختونخوا فیصل کریم کنڈی کا کہنا تھا کہ علی امین گنڈا پور اکثریت کھو چکے، اسمبلی سے اعتماد کا ووٹ لیں،دو تہائی اکثریت والے وزیرِ اعلیٰ اپنی اسمبلی میں جانے سے کترا رہے ہیں،اس کا مطلب ہے کہ وہ اکثریت کھو چکے ہیں، میری تجویز ہو گی کہ وہ اعتماد کا ووٹ لیں تا کہ پتہ چلے ان کے پاس اکثریت ہے یا نہیں، چار مرتبہ اجلاس ملتوی ہو چکا ہے وزیرِ اعلیٰ علی امین گنڈا وپر کے پاس اکثریت نہیں، تحریکِ عدم اعتماد آ سکتی ہے، سرکاری طور پر اعتماد کا ووٹ لینےکا بھی کہہ سکتا ہوں،جس طرح لوگوں کو ہٹا رہے یہ انکی بوکھلاہٹ ہے، سیاسی مسیحا مولانا فضل الرحمان کے پاس پی ٹی آئی والےپہنچ جاتے ہیں، پی ٹی آئی کے صوبائی صدر کو پی ٹی آئی والے کمیٹی میں نہیں ڈالتے، میرا مشورہ ہے کہ اگلی بار پی ٹی آئی کے صوبائی صدر کو بھی کمیٹی میں ڈالیں،گورنر نے سوال اٹھایا اور کہا کہ بتایا جائے وزیر اور مشیر کیوں بدلے جارہے ہیں،اگر وہ کرپٹ اور نااہل ہیں تو انہیں سزا کیوں نہیں دی جا رہی؟، اللّٰہ نہ کرے کہ میں مشیر اور معاونینِ خصوصی کی سمری پر پاؤں رکھوں، صوبے میں نظامِ تعلیم بہترین ہو گیا، اسمبلی میں بل لایا جائے کہ سیاستدانوں اور بیوروکریٹس کے بچے بھی سرکاری اسکولوں میں پڑھیں ،جب تک میں بیٹھا ہوں یونیورسٹی کی ایک اِنچ زمین نہیں بیچنے دوں گا۔
موجودہ صوبائی حکومت نے صوبہ کو ناقابل تلافی نقصان پہنچایا ،گورنر خیبرپختونخوا فیصل کریم کنڈی
دوسری جانب گورنر خیبرپختونخوا فیصل کریم کنڈی اور جمعیت علمائے اسلام کے راہنماء سابق ڈپٹی اسپیکر قومی اسمبلی زاہد اکرم درانی کی ملاقات ہوئی ہے،ملاقات میں سیاسی معاملات اور صوبہ میں امن کی صورتحال پر تبادلہ خیال کیا گیا ،گورنر خیبرپختونخوا فیصل کریم کنڈی نے سابق وزیر اعلی اکرم خان درانی کی صحت یابی کی دعا کی اور کہا کہ صوبہ خیبرپختونخواہ کے حقوق کے حصول اور مشکلات کے ازالہ کے لیئے سیاسی جماعتوں کا اتحاد ضروری ہے، موجودہ صوبائی حکومت نے صوبہ کو ناقابل تلافی نقصان پہنچایا ہے،صوبہ میں بدامنی انتہائی تشویشناک صورتحال اختیار کر چکی ہے،جنوبی اضلاع میں عوام دن کے وقت بھی سفر سے گریز کررہے ہیں شاہراہوں پر مسلح افراد کا راج ہے ، اس موقع پر زاہد اکرم درانی کا کہنا تھا کہ صوبہ کے حقوق کے لیے سیاسی جماعتوں سے رابطے گورنر کا مستحسن قدم ہےصوبہ میں بدامنی اور عوامی مسائل میں اضافہ نے عوام کی زندگی اجیرن بنادی ہے.
عمران خان آکسفورڈ یونیورسٹی کے چانسلر کے لیے نامناسب ترین امیدوار قرار
آکسفورڈ یونیورسٹی کے وی سی کا الیکشن ،پی ٹی آئی کا ایک اور جھوٹ بے نقاب
عمران خان جیل سے آکسفورڈ یونیورسٹی کے چانسلر کے لیے الیکشن لڑیں گے
عمران خان کو آکسفورڈ کا نہیں اڈیالہ جیل کے قیدیوں کا الیکشن لڑنا چاہیے،عظمیٰ بخاری
اڈیالہ جیل میں ٹانگ پر ٹانگ رکھ کر دیسی مرغ کھانے سے انقلاب نہیں آتے،عظمیٰ بخاری
