علی امین گنڈاپورایک روزہ جسمانی ریمانڈ پر پولیس کے حوالے

اسلام آباد: سیشن کورٹ اسلام آباد میں بغاوت پر اکسانے کے کیس میں علی امین گنڈا پور کو عدالت میں پیش کر دیا گیا۔

باغی ٹی وی : پاکستان تحریک انصاف کے رہنما علی امین گنڈاپور کو ڈیوٹی مجسٹریٹ نوید خان کی عدالت میں پیش کیا گیا۔ اسلام آباد پولیس کی جانب سے علی امین گنڈاپور کے 5 روزہ جسمانی ریمانڈ کی استدعا کی گئی علی امین گنڈاپور کو ایک روزہ جسمانی ریمانڈ پر پولیس کے حوالے کردیا گیا۔

گیس اور اسٹریٹ کرائم پر بیان دینے پر لوگ مجھ پر تنقید کرتے ہیں،گورنر سندھ

خیال رہے کہ علی امین گنڈاپور کے خلاف دہشتگردی کی دفعات کے تحت تھانہ گولڑہ میں مقدمہ درج ہے۔

واضح رہے کہ خیبرپختونخوا پولیس نے علی امین گنڈاپور کو ڈی آئی خان ہائی کورٹ بینچ کے احاطے سے گرفتار کیا تھا،گرفتاری سے پہلے میڈیا سے گفتگو کرتے ہوئے علی امین گنڈا پور نے کہا تھا کہ ،مجھے نہیں معلوم کس کیس میں گرفتار کر رہے ہیں مجھ پر 50 سے زائد ایف آئی آر درج کی گئی ہیں، تمام ایف آئی آر میں میری ضمانت یا ایف آئی آر ختم ہوئی ہے۔

ایمل ولی خان کا عارف علوی،عمران خان اور بیرسٹر سیف کو گرفتار کرنے کا مطالبہ

ان کا کہنا تھا کہ پولیس بار کے اندر سے بھی مجھے گرفتار کرنے کے لئے تیار تھی ،میں نے وکلاء اور بارکی عزت کے لئے باہر گرفتاری دی میں تمام کیسز کا قانونی مقابلہ کے لئے تیار ہوں،نہیں پتہ میرے ساتھ کیا کریں گے مگر میں آزادی کی جنگ لڑنے کیلئے تیار ہوں۔