پشاور: وزیر اعلیٰ کے پی کا خیبرپختونخوا میں نئے تعینات آئی جی ذوالفقار حمید سے کہنا ہے کہ ایسا نہ ہو کہ آپ کسی کےکہنے پر غیر قانونی گرفتاریاں کریں،جبکہ آئی جی ذوالفقار حمید نے وزیر اعلیٰ کو غیر جانبداری کے ساتھ کام کرنے کی یقین دہانی کرائی ہے-
باغی ٹی وی : گزشتہ روز حکومت نے آئی جی کے پی اختر حیات خان کو ہٹا کر ان کی جگہ ذوالفقار حمید کو نیا آئی جی کے پی تعینات کیا تھا،آئی جی ذوالفقار حمید کی تقرری پر کے پی اور وفاقی حکومت دونوں کی مرضی شامل تھی، ذوالفقار حمید کا نام کے پی حکومت کے تجویز کردہ ناموں میں تیسرے نمبر پر تھا۔
نجی خبررساں ادارے نےذرائع کے حوالے سے بتایا کہ ذوالفقار حمید کی تعیناتی کی زیادہ خواہش وفاقی حکومت کی تھی جبکہ وزیراعلیٰ کے پی چاہتے تھے کہ خیبر پختونخوا کا ہی کوئی سینئر افسر آئی جی پولیس بنے آئی جی کی تقرری پر وزیر اعلیٰ کے پی کا وفاقی سطح پر بھی رابطہ ہوا تھا، وزیراعلیٰ کے پی سے چند روز قبل نو تعینات آئی جی ذوالفقار حمید کی ملاقات ہوئی تھی، آئی جی ذوالفقارحمید نے وزیر اعلیٰ کو غیر جانبداری کے ساتھ کام کرنے کی یقین دہانی کرائی تھی۔
سویڈن میں قرآن پاک کی بے حرمتی کرنے والا عراقی شخص قتل
ذرائع کے مطابق وزیر اعلیٰ کے پی کا ملاقات میں ذوالفقار حمید سے کہنا تھا ایسا نہ ہو کہ آپ کسی کےکہنے پر غیر قانونی گرفتاریاں کریں، جس پر ذوالفقار حمید کا کہنا تھا محکمے کو آئین اور قانون کے مطابق چلایا جائےگا، وزیر اعلیٰ کے پی کا کہنا تھا پولیس نے کوئی غیر قانونی کام کیا تو ہمارا ردعمل سخت ہو گا۔
اس حوالے سے مشیر اطلاعات خیبر پختونخوا بیرسٹر محمد علی سیف نے نجی خبررساں ادارے سے گفتگو میں کہا کہ ذوالفقار حمید ہمارے تجویز کردہ ناموں میں شامل تھے، ذوالفقار حمید ایک تجربہ کار اور پروفیشنل پولیس آفیسر ہیں، امید ہےکہ نئے آئی جی امن و امان قائم کرنے کیلئے ٹھوس اقدامات کریں گے۔
سدھو نے 5 ماہ سے بھی کم عرصے میں 33 کلو وزن کیسےکم کیا؟
واضح رہے کہ پولیس سروس گریڈ 21 کے ذوالفقار حمید کو نیا آئی جی کے پی کے تعینات کردیا گیا ہے، ذوالفقار حمید اس سے قبل پنجاب حکومت میں خدمات سر انجام دے رہے تھے اسٹیبلشمنٹ ڈویژن نے اختر حیات گنڈاپور کے تبادلے اور ذوالفقار حمید کی تعیناتی کے کے باضابطہ نوٹیفکیشن جاری کر دیے۔
واضح رہے کہ اختر حیات گنڈاپور کو فروری 2023 میں معظم جاہ انصاری کی جگہ آئی جی خیبرپختونخوا تعینات کیا گیا تھا اختر حیات اس سے قبل وفاقی تحقیقاتی ایجنسی (ایف آئی اے) میں فرائض سرانجام دے رہے تھے۔
پاکستانی نوجوان کی محبت میں مبتلا امریکی خاتون کا انوکھا مطالبہ
دوسری جانب ذرائع کے مطابق ڈائریکٹر جنرل، وفاقی تحقیقاتی ادارہ (ایف آئی اے) احمد اسحاق جہانگیر کو عہدے سے ہٹا کر اسٹیبلشمنٹ ڈویژن میں او ایس ڈی بنایا گیا ہے ،نئے ڈی جی ایف آئی اے کیلئے عثمان انور کا نام سر فہرست ہے جبکہ آئی جی پنجاب کے لئے بلال کمیانہ کا نام ہارٹ فیورٹ ہے۔