علی امین گنڈاپور کو اشتہاری قرار دینے کا کالعدم قرار

اسلام آباد: ڈسٹرکٹ اینڈ سیشن جج اسلام آباد نے وزیر اعلیٰ خیبر پختونخوا علی امین گنڈاپور کو اشتہاری قرار دینے کا ٹرائل کورٹ کا حکم کالعدم قرار دے دیا۔

باغی ٹی وی: ڈسٹرکٹ اینڈ سیشن کورٹ میں علی امین گنڈاپور کی اپیل پر سماعت کی جج شاہ رخ ارجمند نے سماعت کی، درخواست گزار وکیل راجہ ظہور الحسن اور پراسیکیوٹر محمد سلمان خان عدالت میں پیش ہوئےعلی امین گنڈاپور کی حاضری سے استثنیٰ کی درخواست دائر کی گئی جو عدالت نے منظور کرلی، وکیل نے استدعا کی کہ سرکاری شیڈول کے باعث علی امین گنڈا پور عدالت پیش نہیں ہو سکتے لہٰذا
استثنیٰ دیا جائے۔

وکلا کے دلائل سننے کے بعد عدالت نے علی امین گنڈاپور کو اشتہاری قرار دینے کا حکم کالعدم قرار دیا،عدالت نے حکمنامے میں کہا کہ پراسس سرور نے نوٹسز تعمیل نہیں کرائے اور ملزم کو موصول نہ ہوسکے اس لیے ملزم کے خلاف دفعہ 87 اور 88 کی کارروائی ختم کی جاتی ہے، درخواست گزار 50 ہزار روپے کے مچلکے اور ایک مقامی ضامن دے، عدالت نے کیس واپس ٹرائل کورٹ کو بھجواتے ہوئے سماعت14 مارچ تک ملتوی کر دی۔

پاکستان کا غزہ میں رمضان المبارک میں فوری جنگ بندی کا مطالبہ

واضح رہے کہ علی امین گنڈاپور کے خلاف تھانہ بہارہ کہو میں اسلحہ اور شراب برآمدگی کا کیس درج ہے، جوڈیشل مجسٹریٹ نے مسلسل عدم پیشی پر علی امین گنڈاپور کو اشتہاری قرار دیا تھا۔

اعظم سواتی کے خلاف مقدمات کی رپورٹ عدالت میں جمع

بیوی کے جہاز میں نہ پہنچنے پر فلائٹ کو بم سے اڑانے کی دھمکی دینے …