’عالیہ بھٹ میں ٹیلنٹ ہے نہ شکل‘ سوتیلے بھائی کا انٹرویو وائرل

راہول بھٹ نے اپنی سوتیلی بہن عالیہ بھٹ کو اپنی سگی بہن پوجا بھٹ سے صلاحیتوں میں کم تر قرار دے دیا۔

بھارت کے معروف ہدایتکار مہیش بھٹ کے بیٹے راہول، عالیہ بھٹ اور شاہین بھٹ کے سوتیلے اور سابقہ اداکارہ پوجا بھٹ کے سگے بھائی ہیں جنہوں نے حال ہی میں ایک پوڈکاسٹ میں انٹرویو دیا ہے۔

اپنے طویل انٹرویو میں فٹنس ماہر و ٹرینر راہول بھٹ نے کارتیک آریان، عامر خان، ساجد خان اور علی فضل کی ٹرانسفارمیشن اور باڈی بلڈنگ کے ذریعے ان کی شخصیت میں بہتری لانے پر بھی کھل کر بات کی۔

امریکا کے ساتھ تجارتی مذاکرات کے لیے تیار ہیں،چین

انٹرویو کے دوران جب میزبان نے کہا کہ عالیہ بھٹ، بھٹ خاندان کی وراثت کو آگے لے جا رہی ہیں، تو راہول بھٹ نے اس پر حیران کن ردعمل دیا،راہول نے اس بات سے جزوی اتفاق کیا کہ عالیہ خاندان کی نمائندگی کر رہی ہیں، لیکن ساتھ ہی انہوں نے کہا کہ ان کے ذاتی خیال میں عالیہ بھٹ ان کی سگی بہن پوجا بھٹ کے مقابلے میں کسی بھی پہلو میں آدھی بھی نہیں ہیں، نہ صلاحیت میں، نہ خوبصورتی میں، اور نہ ہی پرکشش انداز میں۔

سونے کی قیمت میں ریکارڈ توڑ اضافے کے بعد بڑی کمی

راہول کا کہنا تھا کہ عالیہ وہ ایک اچھی ماں ہیں، باصلاحیت اور کامیاب اداکارہ ہیں اور اگر آپ مجھے عالیہ کا پوجا کے ساتھ موازنہ کرنے کے لیے کہیں تو عالیہ بھٹ میری سگی بہن کے آگے کچھ بھی نہیں ہے، نہ ہی عالیہ میں ٹیلنٹ ہے اور نہ ہی اس کی شکل ہے، نہ لُک، نہ سیکسی عالیہ بھٹ میری بہن کے سامنے پانی کم چائے ہیں میرے لیے، یہ میری ذاتی رائے ہے۔

ارشد ندیم نے نیرج چوپڑا کی دعوت مسترد کردی

راہول بھٹ نے کہا کہ میں رنبیر کپور کی صرف اس حد تک عزت کرتا ہوں کہ وہ ایک بہت اچھے والد ہیں، میری سوتیلی بہن کے اچھے شوہر ہیں، وہ میری بہن کا بہت خیال رکھتے ہیں، اس سے زیادہ میں کچھ نہیں جانتا کہ وہ کیسے اداکار ہیں اور کیسی اداکاری کرتے ہیں۔