سعد فاروق
پی ٹی آئی رہنما اور چیف آرگنائزر پنجاب عالیہ حمزہ کو جہلم جیل منتقل کر دیا گیا۔
باغی ٹی وی کے مطابق گزشتہ روز عالیہ حمزہ کو راولپنڈی کینٹ کے علاقہ چکلالہ اسکیم تھری نورانی محلہ سے بلا اجازت جلسہ کرنے کی کوشش کرنے پر گرفتار کیا گیا ۔عالیہ حمزہ کو وویمن پولیس اسٹیشن راولپنڈی بھیج دیا گی تھا جبکہ ا عالیہ حمزہ کو گزشتہ شب راولپنڈی گرفتار کرکے تھانہ چکلالہ میں مقدمہ درج کیا گیا تھا، عالیہ حمزہ کو جوڈیشل ریمانڈ پر اڈیالہ جیل منتقل کیا گیا تھا، انہیں سول جج ممتاز ہنجرا نے جوڈیشل ریمانڈ پر اڈیالہ جیل بھجوایا تھا، تاہم خواتین بیرک میں جگہ نہ ہونے کے باعث اڈیالہ جیل حکام نے عالیہ حمزہ کو لینے سے انکار کیا۔
اڈیالہ جیل حکام کی معذرت کے بعد عالیہ حمزہ کو جہلم جیل منتقل کرنے کا فیصلہ کیا گیا۔ اس حوالے سے ذرائع نے بتایا کہ تمام قانونی تقاضے پورے کرنے کے بعد عالیہ حمزہ کو اڈیالہ جیل سے جہلم جیل منتقل کر دیا گیا ہے، جبکہ دیگر دو ملزمان کو اڈیالہ جیل منتقل کردیا گیا۔
سندھ سے سینیٹ نشست پر ضمنی انتخاب، پیپلز پارٹی اور ایم کیو ایم کے امیدوار فائنل
