میرپورخاص ،باغی ٹی وی(نامہ نگارسیدشاہزیب شاہ) رئیس منصوری اسنوکر کلب میرپورخاص میں آل میرپورخاص اسنوکر ٹورنامنٹ کا انعقاد کیا گیا، جس میں نوجوان کھلاڑیوں نے بھرپور شرکت کی۔
ٹورنامنٹ میں پہلی پوزیشن یونس بلوچ، دوسری پوزیشن عبدالرحمان، اور تیسری پوزیشن رامیش شیخ نے حاصل کی۔ تقریب کے اختتام پر سماجی شخصیت محمد حنیف شیخ اور آرگنائزر محمد اویس شیخ نے جیتنے والے کھلاڑیوں میں ٹرافیاں تقسیم کیں۔
حمیدپورہ کالونی کے عوام اور اسپورٹس حلقوں نے اس ایونٹ کو بھرپور انداز میں سراہا، کیونکہ میرپورخاص میں اسنوکر ٹورنامنٹ کا انعقاد شاذ و نادر ہی ہوتا ہے۔ نوجوان انفرادی طور پر تو اسنوکر کھیلتے نظر آتے ہیں، مگر باقاعدہ مقابلے کم دیکھنے کو ملتے ہیں۔ یہی وجہ ہے کہ یہ ٹورنامنٹ اپنی نوعیت کا ایک دلچسپ اور مقبول ترین ایونٹ ثابت ہوا، جسے خاص طور پر اسنوکر کے کھلاڑیوں میں بے حد پذیرائی ملی۔
اسپورٹس حلقوں کا کہنا ہے کہ جس طرح دیگر کھیلوں کے مقابلے منعقد کیے جاتے ہیں، اسی طرح اسنوکر ٹورنامنٹس کا بھی علاقائی سطح پر باقاعدگی سے انعقاد ہونا چاہیے تاکہ اس کھیل کو مزید فروغ مل سکے۔
