آل پاکستان وکلاکنونشن میں شرکت کیوں نہیں کی حسن رضا پاشا ایڈوکیٹ نے وجہ بتا دی

اسلام آباد: پاکستان بار کونسل کی ایگزیکیٹیو کمیٹی کے چیئرمین نے ”آل پاکستان وکلا ء کنونشن” میں شرکت نہ کرنے پر وضاحت جاری کر دی-

باغی ٹی وی : پاکستان بار کونسل کی ایگزیکیٹیو کمیٹی کے چیئرمین حسن رضا پاشا ایڈوکیٹ نے وضاحت کی ہے کہ ہم نے سپریم کورٹ بار ایسوسی ایشن کے صدر عابد ایس زبیری اور ان کے چند ساتھیوں کے رویے کی بناء پر ”آل پاکستان وکلا ء کنونشن” میں شرکت نہیں کی ہے-

انہوں نے کہا ہے کہ عابد ایس زبیری اور ان کے ساتھی وکلاء 5 ستمبر کو پاکستان بار کونسل کی جانب سے منعقدہ ”آل پاکستان لائرز نمائندہ کانفرنس” میں دعوت کے باوجود تشریف نہیں لائے تھے اور کانفرنس کے انعقاد سے دو روز قبل ایک پریس ریلیز کے ذریعے اس کانفرنس کی بھرپور مذمت بھی کی تھی اسی بناء پر پاکستان بار کونسل نے بھی ”آل پاکستان وکلا ء کنونشن” میں شرکت نہیں کی –

آئندہ کچھ دنوں میں ایک دم دار ستارہ اور چار سیارچے زمین کے قریب سے …

انہوں نے بتایا کہ پاکستان بار کونسل ملک بھر کے وکلاء کا سب سے بڑا فورم ہے ، جس نے ہمیشہ آئین کی بالادستی، قانون کی حکمرانی ، عدلیہ کی آزادی اورجمہوریت کی مضبوطی اوروکلاء کے اتحاد واتفاق کی بات کی ہے اور ہم ملک بھر کے وکلاء کے اتحاد پر یقین رکھتے ہیں۔

چینی بحران میں غلط بیانی ، سیکرٹری خوراک عہدے سے فارغ