اس وقت ساری دہشتگردی افغان سرزمین سے ہو رہی ہے،وزیردفاع

وزیردفاع خواجہ آصف نے کہا ہے کہ افغانستان سے تیل کھاد سمیت دیگر اشیا کی اسمگلنگ سے پاکستانی معیشت کو نقصان پہنچ رہا ہے-

نجی خبر ر ساں ادار ے سے بات چیت کرتے ہوئے وزیر دفاع خواجہ آصف نے کہا کہ پاکستان اور افغانستان ہمسایہ ممالک ہیں، ان کے تاریخی مذہبی تعلقات ہیں لیکن افغانستان سے امریکی فوج کے انخلا کے بعد دہشتگردی کو فروغ ملا، اس وقت ساری دہشتگردی افغان سرزمین سے ہو رہی ہے۔

ان کا کہنا تھا کہ پوری دنیا میں فارمل بارڈرز ہیں اور پاسپورٹ دکھا کے کراس کیا جاتا ہے، افغانستان سے تیل کھاد سمیت دیگر اشیا کی اسمگلنگ سے پاکستانی معیشت کو نقصان پہنچ رہا ہے، اب پاکستان ان بارڈرز کو انٹرنیشنل بارڈر بنائے گا، وہاں سے آنے والی تمام ٹریفک کو پاسپورٹ اور ویزے کے بعد ہی داخلے کی اجازت ہوگی،بغیرپاسپورٹ اور ویزے کے پاکستان میں داخلے کی روایت اب ختم ہونے جارہی ہے، ہم نے اپنے آپ کومحفوظ کرنا ہے، یہ کراسنگ پوائنٹس پاکستان کو غیر محفوظ کر رہے ہیں۔

عام آدمی کو ریلیف دینے کے لئے بھر پور اقدامات اٹھائے ہیں، وزیراعظم

وزیر دفاع نے کہا کہ ہماری بار بار درخواست کے باوجود افغان حکومت کو جس طرح کا تعاون کرنا چاہیے وہ نہیں کر رہی، جس طرح چین، ایران، بھارت کے ساتھ بارڈر ہے افغانستان کے ساتھ بھی ویسا ہونا چاہیے، فیملیز دونوں اطراف رہ رہی ہیں، اس چیز کا ہمیں ادراک ہے، بر صغیرکی تقسیم کے بعد کشمیر میں آج بھی فیملیز تقسیم ہیں، اسی طرح سیالکوٹ کے بارڈرز اور ورکنگ باؤنڈری پر بھی فیملیز تقسیم ہیں۔

دوسر ی جانب جمعیت علمائے اسلام (ف) کے امیر مولانا فضل الرحمان نے کہا ہےکہ ذمہ دار ریاست کے بجائے وقتی اشتعال اور عجلت میں فیصلے کیے جارہے ہیں۔

پاکستان کی تاریخ میں پہلے ایئر کنڈیشن پبلک واش رومز کا افتتاح

انہوں نے کہا کہ ریاست کے معاملات دھمکیوں اور جذبات سے طے نہیں ہوتے، ماضی میں آپریشن ناکام ہوئے، ایک بار پھر اعلان کردیا گیا کہ آپریشن کیاجائے گا آپریشن کے بعد جب لوگ واپس جاتے ہیں تو ان کے گھر نہیں ہوتے، کیا آپ پھر قوم کو مشکل میں ڈالنا چاہتے ہیں؟ ایپکس کمیٹی سے آپریشن کا فیصلہ آیا، عزم استحکام کی شروعات ہی عدم استحکام سے ہوگئی، کیا پارلیمنٹ کو اعتماد میں لیا گیا؟کیا ہم افغانستان کو مستحکم کے بجائے غیرمستحکم کرنا چاہتے ہیں؟ ایران سے دوستی ہو سکتی ہے تو افغانستان سے کیوں نہیں؟-

معاشی مشکلات کی وجہ سے آپریشن عزم استحکام کا فیصلہ کیا گیا ہے، خواجہ …