fbpx

اللہ تعالیٰ کا شُکر ادا کریں اُس نے ہمیں کورونا وبا کے باوجود سُنتِ ابراہیمی ادا کرنے کے قابل بنایا ثناءخان

سابقہ بھارتی اداکارہ ثناء خان کا کہنا ہے کہ جو لوگ کورونا وائرس کی اس مشکل گھڑی میں بھی سُنتِ ابراہیمی ادا کررہے ہیں، وہ اللہ تعالیٰ کا لازمی شُکر ادا کریں۔

باغی ٹی وی : اسلام کی خاطر بالی ووڈ سے کنارہ کشی اختیار کرنے والی سابقہ اداکارہ ثناء خان نے عیدالاضحیٰ کے موقع پر ٹوئٹر پر جاری پیغام میں لکھا کہ عالمی وبا کورونا وائرس کی خطرناک صورتحال کی وجہ سے لوگوں کی روزی چھن گئی ہے۔


اُنہوں نے امت مسلمہ کو عید کی مبارکباد دیتے ہوئے لکھا کہ ایسے میں اگر آپ اب بھی سُنتِ ابراہیمی کو انجام دینے کے قابل ہیں تو پھر 2 رکعت شکرانے کی نفل ادا کریں اور اس نعمت کے لیے اللہ تعالیٰ کا شُکر ادا کریں کہ اُس نے ہمیں سُنتِ ابراہیمی ادا کرنے کے قابل بنایا۔

خیال رہے کہ ثناء خان نے گزشتہ سال بھارتی ریاست گجرات سے تعلق رکھنے والے مفتی انس سے شادی کی تھی اور شادی سے قبل شوبز چھوڑنے کا اعلان کیا تھا-