سیالکوٹ:مرغوں کی لڑائی دیکھنے والا طالب علم،مبینہ پولیس کی گولی لگنے سے ہلاک

سیالکوٹ،باغی ٹی وی(شاہد ریاض سٹی رپورٹر )مرغوں کی لڑائی دیکھنے کیلئے جانے والا طالب علم یوسی پولیس اہلکاروں کی مبینہ گولی لگنے سے جاں بحق لوحقین کا روڈ بلاک کرکے احتجاج پولیس کے خلاف نعرے بازی پولیس کی طرف سے نامعلوم کے خلاف درج مقدمہ کولواحقین نے جھوٹا اور من گھڑت قرار دے دیا

لواحقین کے مطابق تھانہ موترہ کے گاؤں کوٹلی بھاگو کے امام مسجد کا بیٹا عبدالرحمن دوستوں رضوان وغیرہ کے ساتھ مرغوں کی لڑائی دیکھنے گیا تو اسی دوران پولیس پہنچ گئی گرفتاری کے خوف سے بھاگنے کیلئے اٹھے تو ایک اہلکار نے مبینہ گولی مار کر عبدالرحمن کو قتل کردیا جبکہ مقتول کے ساتھی رضوان کو قتل کا الزام قبول کرنے کیلئے مبینہ تشدد کا نشانہ بنایا

جس پر اہل دیہہ نے روڈ بلاک کرکے احتجاج کیاا ور پولیس کے خلاف نعرے بازی کی روڈ بلاک ہونے سے ڈسکہ سیالکوٹ روڈ پر کئی گھنٹے ٹریفک جام رہی جلد بازی میں پولیس نے چار نامعلوم افراد کی فائرنگ سے نامعلوم شخص کے قتل کا مقدمہ بھی درج کرلیا بعد ازاں پولیس کے ترجمان نے پریس ریلیز میں قتل ہونے والے عبدالرحمن کوڈاکوؤں کی فائرنگ سے قتل قراردے دیا مقتول کے باپ پھوپھی اور اہل دیہہ نے ایف آئی آر کو من گھڑت قراردے دیا

مقتول کی نعش تحصیل ہیڈ کوارٹر ہسپتال کے مردہ خانہ میں منتقل کردی گئی