قصور
القادسیہ ویلفئیر سوسائٹی جوڑا کے رضا کاروں نے جذبہ حب الوطنی کی مثال پیش کر دی،قریبی گاؤں کیلوں میں جا کر مین شاہراہ کی صفائی کی،عوامی مسائل سے حکومت وقت اور ضلعی انتظامیہ بے خبر
تفصیلات کے مطابق حکومتی ذرائع سے گلیاں ، سولنگ ، نالیاں ، راستے تو بنوا لئے جاتے ہیں لیکن ان گلیوں، اور راستوں کی صفائی اور کشادگی کے لئے ، غریبوں کی مدد، یتیموں کی کفالت کے لیے حکومت وقت اور ضلعی انتظامیہ کبھی کبھار ہی نظر آتی ہے وہ بھی جب فوٹو سیشن کرنا ہو تو
تاہم جذبہ حب الوطنی کی ایک مثال بنتے ہوئے القادسیہ ویلفئیر سوسائٹی موضع جوڑا تحصیل و ضلع قصور نے مین شاہراہ بمقام موضع کیلوں پر لوگوں کیلئے وبال جان بنی شاہراہ کی صفائی خود اپنے ہاتھوں سے کی تاکہ گزرنے والوں کو کسی قسم کی پریشانی کا سامنا نا کرنا پڑے
لوگوں نے ان رضاکاروں کا جذبہ حب الوطنی دیکھتے ہوئے القادسیہ ویلفئیر سوسائٹی جوڑا کے عہدیداران سمیت تمام کارکنان کو مبارکبار پیش کی اور کہا کہ یہ لوگ جذبہ خدمت سے سرشار ہیں اور مبارکباد کے مستحق ہیں کہ یہ لوگ اپنے گاؤں کے علاوہ دوسرے گاؤں میں بھی خدمات سر انجام دے رہے ہیں حالانکہ یہ کام گورنمنٹ کا ہے تاہم گورنمنٹ کے کارندے ایسے رفاعی کاموں سے دور ہی رہتے ہیں
