غزہ: فلسطین کی مزاحمتی تنظیم حماس کے عسکری ونگ القسام بریگیڈز نے اسرائیلی فوجی اڈے پر حملہ کردیا۔
باغی ٹی وی : عرب میڈیا کے مطابق القسام بریگیڈز نے غزہ کی پٹی کے شمال میں اسرائیلی فوجی اڈے زیکیم پر حملہ کیا، مزاحمت کار سمندر کے راستے فوجی اڈے پر حملہ آور ہوئے،اسرائیلی فوج کی جانب سے زیکیم فوجی اڈے کے نزدیک مزاحمت کاروں کی موجودگی کی تصدیق کی گئی ہے،کہا کہ مزاحمت کار سمندر کے راستے تیر کر زیکیم فوجی اڈے کے قریب پہنچے۔
اسرائیلی میڈیا نے بھی زیکیم کے قریب فلسطینی مزاحمت کاروں کی موجودگی کی خبر دیتے ہوئے کہا ہے کہ واقعے کی تحقیقات کی جارہی ہیں، حملے میں اب تک اسرائیلی جانی نقصان کی تفصیلات سامنے نہیں آئی ہیں۔
