سیالکوٹ،باغی ٹی وی (بیوروچیف شاہد ریاض سے) پاکستان تحریک انصاف ڈسکہ کے نوجوان رہنما چوہدری امان اللہ گھمان نے کہا کہ ماہ صیام میں مہنگائی کا بد ترین طوفان غریب آدمی پر ظلم کی انتہا ہے، نا اہل حکمران عوام سے جینے کا حق بھی چھین رہے ہیں
رمضان المبارک کی آمد کیسا تھ ہی منافع خور اور مہنگائی کا جن بے لگام ہو گیا ہے کمر توڑ مہنگائی سے سبزیاں، پھل اور دیگر اشیاء ضرور یہ عام آدمی کی پہنچ سے دور ہو چکی ہیں حکومت کی رمضان میں اربوں روپے کی سبسڈی دینے کی باتیں عوام کو لالی پاپ دینے کے سوا کچھ نہیں
ایک طرف حکومت نے عوام کیلئے رمضان ریلیف پیکیج تو بڑھایا ہے تو دوسری طرف ذخیرہ اندوزوں اور گراں فروشوں کو بھی بے لگام چھوڑ دیا ہے جو دونوں ہاتھوں سے عوام کو لوٹنے میں مصروف ہیں
مہنگائی مافیا نے رمضان کی آمد کیسا تھ پھلوں، سبزیوں اور دیگر اشیاء ضرور یہ قیمتیں بڑھا دی ہیں سوور پے کلو والی چیز دو سو میں فروخت ہو رہی ہے آلو، پیاز اور سیب، کیلے سب غربیوں کی پہنچ سے دور ہو گئے ہیں۔
