ایمبولینس کو ٹول پلازہ پر خوفناک حادثہ، 4 افراد ہلاک ،ویڈیو وائرل

بھارتی ریاست کرناٹکا میں ایک ایمبولینس کو ٹول پلازہ پر پیش آنے والے خوفناک حادثے میں 4 افراد ہلاک ہو گئے۔

باغی ٹی وی : بھارتی میڈیا کے مطابق ایک ایمبولینس مریض اور 2 تیماداروں کو لے کر جا رہی تھی کہ ریاست کرناٹکا کے ضلع اودوپی میں بے قابو ہو کر ٹول پلازہ پر بنے بوتھ سے ٹکرا گئی۔

ٹول پلازہ پر لگے سی سی ٹی وی کیمرے نے ایمبولینس کو پیش آنے والے خوفناک حادثے کے مناظر کو محفوظ کیا، ویڈیو میں ٹول پلازہ کے سکیورٹی گارڈز اور ملازمین کو رکاوٹیں ہٹاتے اور ایمبولینس کو ٹول بوتھ سے ٹکراتے دیکھا جا سکتا ہے۔

پولیس کے مطابق تیز رفتاری سے ٹول بوتھ سے ٹکرانے کے باعث ایمبولینس مکمل طور پر تباہ ہو گئی، حادثے میں مریض، دونوں تیمادار اور ٹول پلازہ کا ایک ملازم ہلاک ہوا جبکہ ایمبولینس ڈرائیور زخمی ہوا۔

قبل ازیں مصر میں ایک مسافر بس اور ٹرک کے درمیان منگل کی شام ہونے والے تصادم کے نتیجے میں کم از کم 22 افراد ہلاک اور 33 زخمی ہو گئے تھے مصر کے دارالحکومت قاہرہ سے تقریباً 300 کلومیٹر جنوب میں منیا گورنری کے گاؤں برشا کے قریب سڑک پر کھڑے ٹرک سے ٹکرا کرایک مسافر بس الٹ گئی جس کے نتیجے میں کم از کم 22 افراد ہلاک اور 33 زخمی ہو گئے پولیس نے حادثے کی تصدیق کرتے ہوئے ہلاکتوں میں اضافے کے خدشے کا اظہار کیا تھا-

گورنری کے حکام کے ایک بیان میں کہا گیا تھا کہ ٹرک "ٹائر تبدیل کرنے کے لیے سڑک کے کنارے کھڑا تھا جو سوہاج گورنری سے قاہرہ کی گورنری کی طرف آنے والی بس سے ٹکرا گیازخمیوں کو علاج کے لیے ملوی اسپتال لے جایا گیا۔