امریکا پاکستان سے کوئی مطالبہ نہیں کر رہا، خواجہ آصف

وزیر دفاع خواجہ محمد آصف نے کہا ہے کہ امریکا اس وقت پاکستان سے کسی قسم کا مطالبہ نہیں کر رہا۔

نجی ٹی وی کے پروگرام میں گفتگو کرتے ہوئے خواجہ آصف کا کہنا تھا کہ ممکن ہے پاکستان امریکا اور ایران کے تعلقات میں بھی کوئی کردار ادا کرے، تاہم اگر کوئی امریکی مطالبہ آیا تو پاکستان اپنے مفاد کو مدنظر رکھتے ہوئے فیصلہ کرے گا۔انہوں نے کہا کہ موجودہ ہائبرڈ نظام کی شراکت داری نتائج دے رہی ہے۔ ان کا کہنا تھا کہ پاک بھارت جنگ کے دوران امریکی صدر ڈونلڈ ٹرمپ نے فیصلہ کن کردار ادا کیا اور ان ہی کی کوششوں سے جنگ بندی ممکن ہوئی۔

وزیر دفاع کے مطابق جنگ کے بعد کی صورتحال نے پاک امریکا تعلقات کو خوشگوار موڑ دیا اور ٹرمپ کو امن کی کوششوں کے باعث نوبیل انعام کے لیے نامزد کیا گیا۔

یمن کی بندرگاہ پر ڈرون حملہ، جہاز میں 27 پاکستانی پھنس گئے