امریکا نے ایران کا وینزویلا کو فروخت کیا جانیوالا طیارہ قبضے میں لے لیا

واشنگٹن: امریکا نے ایران کی جانب سے وینزویلا کی سرکاری ائئر لائن کو فروخت کیا جانے والا بوئنگ 747 کارگو طیارہ قبضے میں لے لیا ہے۔

باغی ٹی وی :عالمی خبررساں ادارے کے مطابق امریکی امور انصاف کے مطابق امریکا کی جانب سے پابندیوں کی فہرست میں شامل ماہان ائئرسے وینیزویلا کو فروخت کیا جانے والا طیارہ ارجنٹائن سے امریکا روانہ کر دیا گیا ہے جسے اب کباڑ کے طور پرفروخت کیا جائے گا، ایران کی ماہان ایئر کی جانب سے 2022 میں وینزویلا کو طیارہ فروخت کرنا تہران پرعائد پابندیوں کی صریحاً خلاف ورزی ہے۔ امریکا اپنی سلامتی کو درپیش خطرات کے پیش نظر ایسے اقدام اٹھاتا رہے گا۔

دوسری جانب وینیزویلا حکومت نے امریکی اقدام کو شرمناک قرار دیتے ہوئے طیارہ واپس لینے کے لیے قانون کا سہارا لیے جانے کا عندیہ دیا ہےصدرنکولس مادورو کے دفتر نسے جاری بیان میں کہا گیا ہے کہ امریکا اور ارجنٹائن نے تجارتی و سول قوانین کی دھجیاں اڑاتے ہوئے ہماری کارگو کمپنی کے حقوق غصب کیے ۔

دوسری جانب ایران کی جانب سے بھی اس واقعے کو خلاف قانون قرار دیتے ہوئے شدید مذمت کی گئی ہے،ایرانی امورخارجہ کے ترجمان ناصر کنعانی نے اپنے بیان میں کہا کہ امریکا کی طرف سے طیارہ تحویل میں لینا اقوام متحدہ کے قوانین کی خلاف ورزی ہے۔