امریکی عدالت نے اسرائیل کو غزہ میں نسل کشی کا مرتکب قرار دے دیا

واشنگٹن: امریکی وفاقی عدالت نے اسرائیل کو غزہ میں نسل کشی کا مرتکب قرار دے دیا۔

باغی ٹی وی: وفاقی عدالت کا یہ فیصلہ گزشتہ جمعہ کو عالمی عدالت انصاف کے تاریخی فیصلے کے بعد سامنے آیا ہے، جمعہ 26 جنوری کو ایک وفاقی عدالت نے ڈیفنس فار چلڈرن انٹرنیشنل – فلسطین بمقابلہ بائیڈن کیس میں دلائل اور گواہی سننے کے بعد، بائیڈن انتظامیہ پر الزام لگایا کہ وہ غزہ میں نسل کشی کی روک تھام اور بصورت دیگر مدد اور حوصلہ افزائی کرنے میں اپنے فرض میں ناکام رہی ہے-

امریکا کی وفاقی عدالت کے جج جیفری وائٹ نےفیصلے میں کہا کہ اسرائیل غزہ میں نسل کشی کامرتکب ہو رہاہےاسرائیلی حکومت کےمختلف افسرا ن کے بیانات اس بات کی نشاندہی کرتے ہیں کہ غزہ میں جاری فوجی محاصرے کا مقصد فلسطینیوں کو ختم کرنا ہے۔

اسرائیل کاغزہ میں ناجائز یہودی بستیوں کا نیا منصوبہ تیار

فیصلے میں کہا گیا ہے کہ امریکی انتظا میہ غزہ میں نسل کشی روکنے میں ذمہ داری ادا کرنے میں ناکام رہی ہے۔البتہ امریکا کو اسرائیل کی حمایت سے روکنا عدالت کے دائرہ اختیار میں نہیں، اس لیے مقدمہ خارج کرتے ہیں۔

امریکی سینٹرفار کانسٹیٹیوشنل رائٹس نے فلسطینی انسانی حقوق تنظیموں کی طرف سے گزشتہ سال 13 نومبر کو وفاقی عدالت میں مقدمہ دائر کیا تھا، مقدمے میں مدعیان نے بائیڈن، بلنکن اور آسٹن کو فوری طور پر اسرائیل کو اضافی رقم، ہتھیار اور فوجی اور سفارتی مدد فراہم کرنے سے روکنے کے لیے ابتدائی حکم امتناعی جاری کرنےکی درخواست کی تھی۔

سکھ رہنما کے قتل میں سازش کا الزام، امریکا نے بھارت کو ڈرونز …

امریکہ میں بھارت سے علیحدگی کیلئے ریفرنڈم