لاہور: خرم مشتاق کو قائم مقام سی ای او کے عہدے سے ہٹا دیا گیا ہے جبکہ ائیر وائس مارشل عامر حیات کو ایک بار پھر چیف ایگزیکٹیو آفیسر (سی ای او) قومی ایئرلائن (پی آئی اے) تعینات کردیا گیا ہے-
باغی ٹی وی: وزیراعظم کی منظوری کے بعد اسٹیبلشمنٹ ڈویژن نے قائم مقام سی ای او پی آئی اے تعیناتی کا نوٹیفیکشن جاری کردیا، ائیر وائس مارشل عامر حیات کو قائم مقام سی ای او تعینات کیا گیا، نوٹیفکیشن کے مطابق مستقل سی ای او پی آئی اے کے تقرر تک عامر حیات سی ای او پی آئی اے رہیں گے۔
ائیر وائس مارشل عامر حیات 7 دسمبر کو سی ای او پی آئی اے کے عہدے سے سبکدوش ہوئے تھے، بورڈ میٹنگ میں عامر حیات کو دوبارہ تعینات کرنے کی منظوری دے دی گئی۔
کُرم کشیدگی: کوہاٹ گرینڈ جرگے میں فریقین نے امن معاہدے پر دستخط کر دیئے
واضح رہے کہ وزیر اعظم شہباز شریف نے ایئر وائس مارشل عامر حیات کو پی ڈی ایم حکومت میں ایک سال کیلئے سی ای او مقرر کیا تھا خبریں سامنے آئی تھیں کہ پی آئی اے نجکاری عمل کو بہتر انداز میں آگے بڑھانے کیلئے توسیع کا فیصلہ کیاگیا ہے اور وہ ایئر وائس مارشل پی آئی اے نجکاری تک بطور سی ای او خدمات جا ری رکھیں گے پی آئی اے ہولڈنگ کے سی ای او کے خواہشمند 7 امیدواروں کی حکومت کو درخواستیں موصول ہوچکی ہیں۔
وفاقی کابینہ اجلاس:میڈیکل آلات کی قیمتوں کی تعین کیلئے کمیٹی کی تشکیل نو کی منظوری
