fbpx

عامر خان کے بعد ایک اور بھارتی اداکارہ نے سوشل میڈیا سے دوری اختیار کر لی

بالی ووڈ سُپراسٹار عامر خان کے بعد بھارتی اداکارہ ورینہ حسین نے بھی سوشل میڈیا سے دوری اختیار کرلی۔

باغی ٹی وی : انڈین ایکسپریس کی رپورٹ کے مطابق ورینہ حسین نے انسٹاگرام پر شیئر کی گئی پوسٹ میں سوشل میڈیا کو خیرباد کہنے کا اعلان کیا اداکارہ نے اپنی پوسٹ کے کیپشن میں سوشل میڈیا پر جاری کیے گئے عامر خان کے آخری بیان کا بھی حوالہ دیا۔

اپنی آخری پوسٹ میں اداکارہ ورینہ حسین نے لکھا کہ میں نے کہیں پڑھا تھا کہ آپ کو اپنی روانگی کا اعلان کرنے کی ضرورت نہیں ہے کیونکہ یہ ایئرپورٹ نہیں ہے لیکن میں اپنے دوستوں اور مداحوں کے لیے ایسا کروں گی، جن کی محبت ہمیشہ میری طاقت رہی ہے’

بالی ووڈ اداکارہ نے لکھا کہ یہ میری آخری سوشل میڈیا پوسٹ ہے لیکن میری ٹیم میرا اکاؤنٹ چلاتی رہے گی تاکہ آپ میرے کام سے باخبر رہیں۔

اداکارہ ورینہ حسین نے اپنی پوسٹ کے کیپشن میں لکھا کہ عامر سر کی زبان میں، دکھاوا ترک کرتے ہوئے۔

واضح رہے کہ ورینہ حسین نے 2018 میں فلم ‘لویاتری’ سے بولی وڈ ڈیبیو کیا تھا اور یہ فلم سلمان خان نے پروڈیوس کی تھی ‘لو یاتری’ میں ان کے ہیرو کا کردار سلمان خان کے بہنوئی آیوش شرما نے ادا کیا تھا۔

یاد رہے کہ عامر خان نے مارچ کے مہینے میں اپنی 56 ویں سالگرہ کے ایک روز بعد سوشل میڈیا کو خیرباد کہہ دیا تھا۔

جواب چھوڑیں

آپ کا ای میل ایڈریس شائع نہیں کیا جائے گا.