پاکستان کی خاتون کھلاڑی انیتا نے آسٹریلوی کھلاڑی کو باکسنگ مقابلے میں دی شکست

پاکستان کی خاتون کھلاڑی انیتا نے آسٹریلوی کھلاڑی کو باکسنگ مقابلے میں دی شکست
پاکستان کی پہلی خاتون کھلاڑی انیتا کریم نے بنکاک میں آسٹریلوی کھلاڑی Uyen Ha کو بین الاقوامی باکسنگ مقابلے میں ہرا دیا

وادی ہنزہ گلگت بلتستان سے تعلق رکھنے والی پاکستان کی پہلی مکسڈ مارشل آرٹس (ایم ایم اے) فائٹر انیتا کریم نے تھائی لینڈ میں منعقد ہونے والے ایک مقابلے میں آسٹریلوی حریف یوئن ہا کو شکست دی ہے، انیتا اپنی آسٹریلوی حریف کے خلاف تینوں راؤنڈ جیتنے میں کامیاب رہیں،انیتا کے بھائی علمی کریم نے فخر کے ساتھ یہ خبر سوشل میڈیا پر شیئر کی انیتا پچھلے کچھ سال سے فیئرٹیکس ٹریننگ سینٹر پتایا میں تربیت لے رہی ہیں

Another one, Alhumdulillah 🇵🇰👊🏽♥️
All praises to the Almighty☝🏽and a big thank you to everyone who showed love and support 🙏🏽
Huge shoutout to my team @fairtexofficial for the knowledge and pushing me every single day to get better! #teamfightfortress #anitakarim pic.twitter.com/E4R2dlt1Y1

— Anita Karim (@karimanitamma) June 12, 2022

انیتا نے جیتنے کے بعد سماجی رابطے کی ویب سائٹ ٹویٹر پر خود بھی ٹویٹ کی اور ساتھ ویڈیو بھی شیئر کی، انیتا کا کہنا تھا کہ اللہ کا بہت شکر ہے اورسب لوگوں کا شکریہ جنہوں نے محبت دی اور تعاون کیا انہوں نے اس یادگار فتح پر اپنی ٹیم کو بھی سراہا

سوشل میڈیا صارفین نے انیتا کو شاندار پرفارمنس پر مبارکباد دی ہے، انیتا کریم پاکستان کی پہلی انٹرنیشنل ایم ایم اے فائٹر ہیں جو متعدد قومی اور بین الاقوامی مقابلے جیت چکی ہیں

انیتا کریم پاکستان میں 300 سے زیادہ پیشہ ورانہ ایم ایم اے فائٹرز میں واحد خاتون ہیں انیتا اسلام آباد میں اپنے بھائیوں کے قائم کردہ ایم ایم اے ٹریننگ سنٹر میں دیگر فائٹرز اور ٹرینرز کے ہمراہ تربیت حاصل کرتی ہیں ان کی پہلی پیشہ ورانہ لڑائی 2018 میں ہوئی تھی ،مشکل ترین کھیل کا حصہ بننے والی انیتا کریم کا کہنا ہے کہ وہ مکسڈ مارشل آرٹ کے کھیل کے ذریعے یہ میسج دینا چاہتی ہیں کہ خواتین کسی شعبے میں بھی مردوں سے کم نہیں ہیں اس سوچ کو اب ختم ہونا چاہئے کہ خواتین، مردوں کے تقابل میں کمزور ہیں