ایمنسٹی سکیم سے خزانے بھرجائیں گے،صمصام بخاری نے بڑا دعویٰ کردیا

لاہور:ایمنسٹی سکیم بریک تھرو ثابت ہوگی، ملکی خزانے کو بھریں گے۔ عالمی ادارو ں کا پاکستان پر اعتماد بحال کر رہے ہیں۔ آئی ایم ایف سے 6ارب ڈالر کی منظوری خوش آئند ہے۔ ان خیالات کا اظہار صوبائی وزیر اطلاعات و ثقافت سید صمصام علی بخاری نے آج اپنے دفتر میں مختلف سیاسی شخصیات سے ملاقات کے دوران کیا۔ سید صمصام علی بخاری نے کہا کہ عوام کی دلچسپی اپنے مسائل کے حل اور ملکی ترقی میں ہے۔موجودہ حکومت نے درست سمت میں ترقی کے سفرکا آغاز کیا ہے۔

صوبائی وزیر اطلاعت صمصم بخاری نے کہا کہ نئی اصلاحات کے بعد ملکی معیشت مضبوطی کی طرف جائے گی۔عمران خان نے ایک مرتبہ پھر این آر او نہ دینے کا اعلان کیا ہے۔ پنجاب میں بڑے پیمانے پر حقیقی منصوبے شروع کریں گے۔ زراعت کے شعبے میں دورس نتائج کی پالیسیاں لا رہے ہیں۔
  
صوبائی وزیر اطلاعات سید صمصام علی بخاری سے صوبائی وزیر زراعت نعمان لنگڑیال اور رائے حسن نواز نے ملاقات کی۔ ملاقات میں ساہیوال ڈویژن کے ترقیاتی منصوبوں و مسائل کے حل کیلئے تفصیلی مشاورت کی گئی۔  بعد ازاں سید صمصام علی بخاری نے وزیر زراعت نعمان لنگڑیال اور سابق ایم این اے و پی ٹی آئی کے رہنما رائے حسن نواز کے ہمراہ وزیر اعلیٰ پنجاب سردار عثمان بزدار سے بھی ملاقات کی جس میں وزیر اعلیٰ کو پنجاب کو ساہیوال ڈویژن کے متعلق اہم سیاسی و انتظامی امور سے آگاہ کیا گیا۔
٭٭٭