بیروت حملے سے امریکہ لاعلم ہے ،امریکی صدر جو بائیڈن کا بیان

امریکی صدر جو بائیڈن نے کہا ہے کہ امریکا کو حالیہ بیروت حملے کا کوئی علم نہیں تھا اور اس میں کسی قسم کی شراکت نہیں تھی۔ اس بیان کے بعد، اسرائیلی طیاروں نے لبنان کے دارالحکومت بیروت میں ایک بڑے حملے کی خبر دی ہے، جس میں ایک ساتھ 10 میزائل داغے گئے۔ اسرائیل نے دعویٰ کیا ہے کہ ان حملوں کا ہدف حزب اللّٰہ کے مرکزی کمانڈ ہیڈکوارٹرز تھے۔ حملے کے نتیجے میں 6 عمارتیں مکمل طور پر تباہ ہوگئیں، 2 افراد جان کی بازی ہار گئے، جبکہ 70 سے زائد افراد زخمی ہوئے۔عرب میڈیا کے مطابق، اسرائیل کا اصل ہدف حزب اللّٰہ کے سربراہ حسن نصر اللّٰہ تھے، لیکن حزب اللّٰہ کے ذرائع نے تصدیق کی ہے کہ حسن نصر اللّٰہ محفوظ ہیں۔
حملے کے بعد، اسرائیلی شہر تل ابیب میں سیکیورٹی الرٹ جاری کیا گیا ہے، اور فضائی دفاعی نظام کو ہائی الرٹ پر رکھا گیا ہے۔ اس کے ساتھ ہی، شہریوں کے لیے شیلٹرز بھی کھول دیے گئے ہیں۔ادھر، اقوام متحدہ نے بیروت حملے کو ایک بڑے خطرے کی گھنٹی قرار دیا ہے۔ اسرائیلی وزیراعظم نے امریکا کے دورے کو مختصر کردیا ہے۔ لبنان میں ایرانی سفارتخانے نے کہا ہے کہ اسرائیلی حملہ کشیدگی میں اضافے کا خطرناک کھیل ہے اور یہ قابل سزا جرم ہے۔ حماس نے بھی بیروت پر اسرائیلی حملے کی شدید مذمت کی ہے، جس نے خطے میں مزید کشیدگی کا باعث بن سکتی ہے۔