امریکی اسٹاک مارکیٹ میں کاروبار کا آغاز زیادہ تر مندی کے ساتھ ہوا، کیونکہ سرمایہ کار کساد بازاری کے خدشات، نئے ٹیرف اور صارفین کے اخراجات میں سست روی کے اشاروں سے پریشان نظر آئے۔
میڈیا رپورٹس کےمطابق بڑے انڈیکسز میں ملا جلا رجحان دیکھا گیا، لیکن زیادہ تر میں کمی رہی، امریکی صدر ڈونلڈ ٹرمپ کی جانب سے کینیڈا پر اضافی اسٹیل اور ایلومینیم ٹیرف کے اعلان کے بعد مارکیٹ میں غیر یقینی صورتحال بڑھی۔صارفین کے اخراجات میں کمی کے آثار ظاہر ہو رہے ہیں، جس کی وجہ سے سرمایہ کار معیشت کی سست روی کے خدشات میں مبتلا ہیں۔ماہرین کے مطابق، اگر یہ رجحان برقرار رہا تو فیڈرل ریزرو پر شرح سود میں مزید کمی کا دباؤ بڑھ سکتا ہے، آنے والے دنوں میں اسٹاک مارکیٹ میں مزید اتار چڑھاؤ دیکھنے کو مل سکتا ہے، خاص طور پر اگر تجارتی کشیدگی اور معاشی غیر یقینی صورتحال میں اضافہ ہوا۔
امریکی اسٹاک مارکیٹ میں منگل کے روز ابتدائی کاروبار میں زیادہ تر حصص کی قیمتوں میں کمی دیکھی گئی، جس سے پیر کے روز ہونے والے شدید نقصان میں مزید اضافہ ہوا۔امریکہ کی معیشت کا تقریباً 70% حصہ صارفین کے اخراجات پر منحصر ہے۔ حالیہ سروے ظاہر کرتے ہیں کہ صارفین کی امیدیں کمزور پڑ رہی ہیں، اور اب کاروباری ادارے بھی خطرے کی گھنٹی بجا رہے ہیں۔بڑے کاروباری ادارے آمدنی میں کمی اور مستقبل کی غیر یقینی صورتحال پر تشویش کا اظہار کر رہے ہیں، افراط زر (Inflation) اور شرح سود (Interest Rate) میں اضافے کی وجہ سے لوگ بڑی خریداریوں سے گریز کر رہے ہیں۔
یوکرین نے امریکی عارضی جنگ بندی کی تجویز قبول کر لی
لینڈ سلائیڈنگ کے سبب قراقرم ہائی وے لوتر کے مقام پر بند
اداکارہ نادیہ حسین کے شوہر سے متعلق مزید انکشافات آ گئے
ایلون مسک کی دولت میں اچانک اربوں ڈالرز کی کمی
بھارتی یونیورسٹی کے قریب دیوار پر ‘آزاد کشمیر’ اور ‘آزاد فلسطین’ کے نعرے درج
