پاکستان پیپلزپارٹی کے چیئرمین بلاول بھٹو امریکی صدر ڈونلڈ ٹرمپ کے صدارتی ناشتے میں شرکت کے لیے روانگی کے لیے کراچی ائیرپورٹ پہنچنے کے بعد اچانک واپس بلاول ہاؤس روانہ ہوگئے۔
باغی ٹی وی کو ذرائع نے بتایا کہ بلاول بھٹو زرداری کو امریکا جانے کے لیے بذریعہ دبئی روانہ ہونا تھا اور اس کے لیے بلاول بھٹو زرداری اور ان کے سیکیورٹی اسٹاف کی بورڈنگ بھی ہوچکی تھی۔ بلاول بھٹو زرداری نے دبئی جانے کا پروگرام اچانک ملتوی کردیا ہے اور وہ ائیرپورٹ سے واپس بلاول ہاؤس پہنچ گئے۔قبل ازیں ذرائع نے بتایا تھا کہ چیئرمین پی پی پی بلاول بھٹو زرداری امریکا روانہ ہوگئے اور وہ براستہ دبئی وہاں پہنچیں گے اور وہ امریکی صدر ڈونلڈ ٹرمپ کے صدارتی ناشتے میں شرکت کریں گے۔
پی پی پی ذرائع نے بتایا تھا کہ چیئرمین پی پی پی بلاول بھٹو زرداری کراچی میں اپنے گھر بلاول ہاؤس سے دورہ امریکا کے لیے روانہ ہوگئے ہیں اور دبئی میں قیام کے بعد امریکا روانہ ہوں گے۔ بلاول بھٹو زرداری خصوصی دعوت پر امریکا کے لیے روانہ ہوگئے ہیں جہاں وہ امریکی صدر ڈونلڈ ٹرمپ کے صدارتی ناشتے میں شرکت کریں گے۔تاہم اب ذرائع نے بتایا کہ بلاول بھٹو زرداری نے دبئی جانے کا اپنا پروگرام ملتوی کردیا ہے تاہم واضح نہیں ہے کہ وہ امریکا جائیں گے یا ٹرمپ کے صدارتی ناشتے میں شرکت نہیں کریں گے۔
میری خالد مقبول سے کوئی لڑائی نہیں، مصطفی کمال کا موقف
تحریک انصاف اور جے یو آئی(ف) میں رابطے،کمیٹی قائم
مائیکروسافٹ کا ٹک ٹاک خریدنے میں دلچسپی کا اظہار
سونے کی فی تولہ قیمت میں 2700روپے کمی