fbpx

اندھیرے میں جگنو کی طرح جگمگانے والا منفرد سمارٹ فون

رئیل می کی جانب سے رات کے اندھیرے میں کسی جگنو کی طرح جگمگانے والا منفرد اسمارٹ فون کیو 3 نامی سیریز کے فونز کو 22 اپریل کو پیش کیا جارہا ہے۔

باغی ٹی وی : کیو 3 نامی سیریز کے 2 فونز کیو 3 اور کیو 3 پرو متعارف کرائے جائیں گے جن کے بیک پر فلورسینٹ کلر آپشن بھی ہوگا جو اندھیرے میں جگمگائے گا۔

فوٹو بشکریہ رئیل می کیو3 پرو
رئیل می کیو 3 پرو فون میں 6.43 انچ کا امولیڈ ڈسپلے ہوگا جبکہ میڈیا ٹیک کا ڈیمینسٹی 1100 پروسیسر موجود ہوگا۔

فون میں ممکنہ طور پر 3 کیمروں کا سیٹ اپ ہوگا جس میں مین کیمرا 64 میگا پکسل کا ہوسکتا ہے۔

فون کے اندر 4500 ایم اے ایچ بیٹری 65 واٹ چارجنگ کے ساتھ دی گئی ہے علاوہ ازیں اینڈرائیڈ 11 آپریٹنگ سسٹم، ڈوئل سم سپورٹ اور دیگر فیچرز بھی موجود ہوں گے۔

مگر فون کی خاص بات اس کا بیک کور ہی ہوگا جس کے بارے میں کمپنی کے انڈسٹریل ڈیزائن ڈائریکٹر شیانگی شائر نے وضاحت کی کہ کیو 3 پرو کسی جگنو کی طرح جگمگائے گا۔

کیو 3 فوٹو بشکریہ رئیل می
یہ فون دن میں سورج کی روشنی کو جذب کرے گا اور رات کو جگمگائے گا جس طرح کسی بھی فلورسینٹ سرفیس میں ہوتا ہے۔

کمپنی کی جانب سے ایک یا سینڈ اسٹون کرسٹل بھی تیار کیا ہے جبکہ 5 ایکسز مائیکرو لیول تھری ڈی مائیکرو اسٹرکچر کی بدولت فون دیکھنے میں اچھا لگے گا جبکہ اس کو ہاتھ میں رکھنا بھی آسان ہوگا۔

جواب چھوڑیں

آپ کا ای میل ایڈریس شائع نہیں کیا جائے گا.