ملک کے مختلف شہروں میں کارروائیوں میں بھاری مقدار میں ،منشیات برآمد،ملزمان گرفتار

اسلام آباد: اینٹی نارکوٹس فورس( اے این ایف) نے اسلام آباد سمیت ملک کے مختلف شہروں میں کارروائیوں میں بھاری مقدار میں ،منشیات برآمد کرتے ہوئے 6ملزمان کو گرفتار کیا

باغی ٹی وی : ترجمان اے این ایف کے مطابق کارروائیاں کراچی، ملتان راولپنڈی اور اسلام آباد میں کی گئیں،مقدمات درج کر کے ملزمان سے تفتیش کا آغاز کر دیا گیا ہے-

ترجمان اے این ایف کے مطابق خضدار ہائی وے کراچی روڈ پر کارگو بس سے 170 کلو چرس برآمد کی گئی ،اسلام آباد ائیرپورٹ پر ملزم سے 38 گرام چرس برآمد کی گئی اسی طرح راولپنڈی میں پارسل پر جذب شدہ آئس برآمد کی گئی،ملتان ائیرپورٹ پرملزمان کے پیٹ سے 144 ہیروئن اور آئس بھرے کیپسولز برآمد کی گئی-

ترجمان اے این ایف کے مطابق کراچی میں رکشہ سے 46 کلو 200 گرام چرس اور 2 کلو 500 گرام ہیروئین برآمد ہو ئی علاوہ ازیں چمن چیک پوسٹ کے قریب ملزم سے 3 کلو مارفین اور 2 کلو 70 گرام آئس برآمدکی گئی-