بھارت کے معروف صنعتکار اور ریلائنس گروپ کے چیئرمین و منیجنگ ڈائریکٹر انیل امبانی کے خلاف منی لانڈرنگ اور قرض فراڈ کے سنگین الزامات سامنے آگئے ہیں۔
انفورسمنٹ ڈائریکٹوریٹ (ای ڈی) نے ان کے خلاف 3,000 کروڑ روپے کے مبینہ مالیاتی اسکینڈل میں لک آؤٹ سرکلر جاری کر دیا ہے۔بھارتی میڈیا کے مطابق انیل امبانی اب عدالت کی اجازت کے بغیر بیرون ملک سفر نہیں کر سکیں گے۔تحقیقات میں انکشاف ہوا ہے کہ امبانی سے منسلک کمپنیوں نے 2017 سے 2019 کے دوران بینک سے حاصل کردہ قرض کی رقم کو غیر قانونی طور پر دیگر کمپنیوں کو منتقل کیا، جسے منی لانڈرنگ اور عوامی فنڈز کے غلط استعمال کی منظم اسکیم قرار دیا جا رہا ہے۔
مزید برآں، یہ بھی سامنے آیا ہے کہ قرض جاری ہونے سے پہلے ہی رقم کچھ مخصوص کمپنیوں کو منتقل کر دی گئی تھی، جس سے رشوت اور مفاد پر مبنی لین دین کے خدشات پیدا ہوئے ہیں۔ذرائع کے مطابق ای ڈی نے ممبئی میں ریلائنس گروپ کے دفاتر پر چھاپے مارنے کے بعد انیل امبانی کو 5 اگست کو پوچھ گچھ کے لیے طلب کر لیا ہے۔
عمران خان کے بیٹوں کی پاکستان کے لیے ویزا درخواستیں جمع
پاکستانی میڈیا نے بھارتی جارحیت کا مؤثر جواب دیا، بلاول بھٹو
بلوچستان میں دفعہ 144 نافذ، مختلف پابندیاں عائد
