دہشتگردی کا پرچار،پاکستانی نژاد انجم کو برطانوی عدالت نے سنائی سزا

برطانوای عدالت نے پاکستانی نژاد انجم چوہدری کو عمر قید کی سزا سنا دی ہے.

انجم چوہدری کو 26 سال قید سزا دہشتگردی کا الزام ثابت ہونے پر دی گئی، انجم چوہدری پر شدت پسند تنظیم المہاجرون کی سربراہی کا الزام ہے،24 جولائی کو انجم کو عدالت نے مجرم قرار دیا تھا، انجم کو گزشتہ برس 17 جولائی کو گرفتار کیا گیا تھا،انجم چوہدری کو 85 برس عمر سے زائد ہونے پر ہی رہا کیا جاسکے گا،انجم چوہدری پر دہشت گرد تنظیم کو ہدایات دینے کا مقدمہ وولچ کراؤن کورٹ میں برطانوی انسداد دہشتگردی قانون کے تحت چلایا گیا،انجم چوہدری پر کالعدم المہاجرون کو بطور نگراں ہدایات دینے کا الزام تھا،

استغاثہ نے بتایا کہ انجم چوہدری 2014 سے دہشت گرد گروپ کو ہدایت دے رہا تھا اور آن لائن میٹنگز سے خطاب کرتے ہوئے دہشت گردی کی ترغیب دیتا تھا۔ استغاثہ نے بتایا کہ وہ جولائی 2023 کے آخر تک المہاجرون کے رہنما کے طور پر کام کر رہا تھا اور اس نے اسلامک تھنکرز سوسائٹی نامی امریکہ میں قائم ایک آفس شاٹ سے آن لائن تقریریں کیں، جو ٹرائلز کے دوران کمرہ عدالت میں چلائی گئیں۔

المہاجرون جو مختلف نام استعمال کر رہی تھی 2010 میں دوبارہ پابندی لگا دی گئی۔ استغاثہ کے مطابق، المہاجرون نے باقاعدگی سے اپنا نام تبدیل کیا۔

ایک برطانوی پاکستانی، انجم چوہدری جس کی عمر 57 برس ہے، جو ایلفورڈ، ایسٹ لندن کا رہائشی ہے، کو کینیڈا کے ایڈمنٹن کے رہائشی حسین کے ساتھ گرفتار کیا گیا تھا۔ انہیں اس وقت حراست میں لیا گیا جب حسین گزشتہ سال 17 جولائی کو ہیتھرو ایئرپورٹ پر پہنچے تھے،مقدمے کی سماعت کے دوران، انجم چودھری نے کہا کہ وہ المہاجرون کے اصل تین ارکان میں سے ایک ہیں، جس کی بنیاد 1996 میں رکھی گئی تھی،

انجم چوہدری کو اس سے قبل داعش کی حمایت کی ترغیب دینے پر پانچ سال قید کی سزا سنائی گئی تھی،2016 میں، انجم چوہدری کو داعش کی حمایت کی ترغیب دینے پر پانچ سال قید کی سزا سنائی گئی۔ تاہم، اس کی آدھی سزا پوری کرنے کے بعد رہا کر دیا گیا تھا، جس کے بعد انجم چوہدری نے ایسٹ لندن میں اپنی رہائش گاہ سے واٹس ایپ اور ٹیلی گرام پر پریس ریلیز بھیجنا شروع کردی۔ مقدمے کی سماعت کے دوران، اس نے عدالت کو بتایا کہ رہائی کے بعد اس نے "اسلام کا پرچار” کرنے کی پوری کوشش جاری رکھی۔ٹائمز کی ایک رپورٹ کے مطابق انجم چودھری نے ایک سال میں 40 سے زیادہ لیکچر دیے۔ ان میں سے کچھ لیکچرز میں، پیروکاروں کی تعداد محدود تھی لیکن دوسروں میں برازیل اور افغانستان جیسے علاقوں سے سامعین نے سنے،تاہم، اس گروپ میں دو امریکی خفیہ قانون نافذ کرنے والے افسران گھسے جنہوں نے اس کی تقریریں ریکارڈ کیں۔ان تقریروں میں سے ایک میں، انجم چودھری نے فخر کیا کہ ان پر "برطانیہ میں نمبر ایک بنیاد پرست” کا لیبل لگایا گیا ہے۔ انہوں نے مزید کہا، "یہ میرے لیے اعزاز کا بیج ہے۔ یہ میرے سینے پر ایک تمغہ ہے۔ آپ مجھے کیا بلانا چاہتے ہیں؟ ایک انتہا پسند؟ جنونی۔ یہ سب۔”

تحریک انصا ف،یہودی صیہونی لابی کا گٹھ جوڑ،ثبوت سامنے آ گئے