کراچی:پاکستانی کرکٹ ٹیم کے سابق کپتان شاہد آفریدی نے حال ہی میں اپنی بیٹی انشا آفریدی اور اسٹار فاسٹ بولر شاہین شاہ آفریدی کی آنے والی شادی کی تقریبات کے بارے میں انتہائی منتظر تفصیلات شیئر کیں۔
باغی ٹی وی : شاہین شاہ آفریدی اور انشا آفریدی کا حال ہی میں نکاح ہوا تھا جس کے بعد اس جوڑی کے مداح ان کی رخصتی کا بےصبری سے انتظار کر رہے ہیں تاہم اب شاہد آفریدی نے بیٹی کی رخصتی کے مہینے کے بارے انکشاف کیا ہے-
بابر اعظم نے عید الفطر اپنے پرانے محلےمیں منائی
حال ہی میں ایک نجی چینل کو دیئے انٹرویو میں شاہد آفریدی نے اپنی بیٹی انشا آفریدی اورفاسٹ بولر شاہین شاہ آفریدی کی شادی کے حوالے سے بات کرتے ہوئے شادی کے مہینے کا اعلان کیا –
شاہین اور انشا کی شادی کے بارے میں پوچھے جانے پر شاہد آفریدی نے بتایا کہ اُن کی اپنی شادی بھی کم عمری میں ہوئی تھی اور اپنی بیٹی اور داماد کے لیے بھی اُنہوں نے یہی فیصلہ کیا ہے اس کے بعد انہوں نے شاہین سے پوچھا کہ کیا انہیں ان کی شادی کی تقریبات کا مہینہ بتانا چاہیے، جس پر شاہین نے اثبات میں سر ہلایا۔
آئی سی سی نےشرٹس پرجوا کمپنیز کے لوگولگانے پرپابندی اٹھالی
جس کے بعد شاہد آفریدی نے بتایا کہ انشا اور شاہین شاہ آفریدی کی شادی کی تقریبات کا آغاز رواں سال ستمبر میں ہوگا –
قبل ازیں ایک انٹرویو میں شاہین شاہ آفریدی نے انکشاف کیا تھا کہ اُن کے کہنے پر ہی شاہد آفریدی کے گھر ان کی بیٹی انشا کیلئے رشتہ بھیجا گیا تھا۔