ڈیرہ غازیخان :اینٹی کرپشن کا ٹیچنگ ہسپتال میں چھاپہ ،ریکارڈ قبضہ میں لے لیا

ڈیرہ غازیخان،باغی ٹی وی (سٹی رپورٹرجواد اکبر) شہری صہیب کھوسہ کی تحریری درخواست پر ریجنل ڈائریکٹر اینٹی کرپشن اسٹیبلشمنٹ ڈیرہ غازیخان سید احمد حبیب عرفانی کی ہدایت پر ڈپٹی ڈائریکٹر ویجلینس زاہد مبارک اور ڈپٹی ڈائریکٹر انویسٹیگیشن ظفر عباس چانڈیہ نے اینٹی کرپشن ٹیم کے ہمراہ ٹیچنگ ہسپتال ڈیرہ غازی خان پر چھاپہ مارا مختلف پرچیزنگ کونٹیٹی اور کوالٹی کا ریکارڈ قبضہ میں لے لیا واضح رہے کہ مذکورہ شہری نے درخواست میں الزام عائد کیا ہے کہ سابق سینیئر پرچیز آفیسر رضوان انور، اکاؤنٹنٹ عنایت اللہ احمدانی، سابق اکاؤنٹنٹ ریٹائرڈ سعید بھٹی، سابق ڈائریکٹر فنانس ندیم سہیل، ڈائریکٹر فنانس رباب اقبال، بائیو میڈیکل انجینئر سارہ فاطمہ قیصرانی نے ماڈیول تھیٹر و ادویات کی خریداری میں بڑے پیمانے پر گھپلے کئے ہیں جسکی تحقیقات اینٹی کرپشن ڈیرہ غازیخان اس وقت کررہی ہے یاد رہے کہ ایک ماہ میں دوسری مرتبہ اینٹی کرپشن کا ٹیچنگ ہسپتال ڈیرہ غازیخان میں یہ چھاپہ ہے شہریوں نے کرپشن میں ملوث عملہ کے خلاف بلاامتیاز کاروائی کا مطالبہ کیا ہے۔