گوجرہ:کسان دشمن حکومتی پالیسیاں ناقابل برداشت ہیں،کسان بورڈ

گوجرہ،باغی ٹی وی (نامہ نگار عبدالرحمن جٹ سے)کسان ملک میں ریڑھ کی ہڈی کی حیثیت رکھتا ہے۔ کسان خوشحال ہوگاتو ملک ترقی کرے گا۔

کسان دشمن حکومتی پالیسیاں ناقابل برداشت ہیں۔آٹا مافیا،چینی مافیا،پٹرول مافیا عوام پر آئے روزمہنگائی کے بم گرائے جا رہے ہیں۔حکمران ہوش کے ناخن لیں۔

ان خیالات کا اظہار کسان بورڈجماعت اسلامی گوجرہ کے زیر اہتمام نکالی گئی احتجاجی ریلی سے خطاب کر تے ہو ئے مقررین ضلعی امیر حافظ فرحان اللہ،ڈاکٹرعطاء اللہ حمید،حید رعلی چوہدری،میاں محمد عارف اوررانا کاشف سمیت دیگر نے کیا۔

ریلی کی قیادت ڈاکٹر عطاء اللہ حمید نے کی۔مقررین نے کہاکہ نااہل حکمران کسانوں کا استحصال کر نے پر تلی ہے کسانوں کے معصوم بچوں کے منہ سے آخری نوالہ تک چھیناجا رہا ہے۔

کسان خون کے آنسو رو رہا ہے مگرکرپٹ حکمران طبقہ کسانوں کے ساتھ ساتھ عوام کے ساتھ بھی اپنا ظالمانہ رویہ اپنائے ہو ئے ہے۔حکمرانوں کی طرف سے آئے روز بجلی وگیس اور دیگر اشیائے ضروریہ کی قیمتوں میں بے تحاشہ اضافہ کرکے عوام سے جینے کا حق چھین رہے ہیں۔

مقررین نے کہاکہ حکومت اپنی ہٹ دھر می کو چھوڑ کرعوام اور کسانوں پر رحم کھائے اور ان کو ریلیف دینے کیلئے توجہ دے۔احتجاج کے موقع پر حکومت مخالف شدید نعرہ بازی کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔