آؤ بچو سنو کہانی
میں چیونٹیوں سے متعلق معلومات میں اضافہ کرتے ہیں۔
بچپن میں ہم نے ایک سبق پڑھا تھا قطار بنائیں
اس میں چیونٹیوں کے ٹیم ورک اور منظم ہو کر قطار بنانے کا ذکر تھا ، اور بھر کسی اور کتاب کے مطالعہ کے دوران معلومات میں اور اضافہ ہوا کہ جب چیونٹیوں کےکام کے دوران کوئی ایسا دشوار راستہ آ جائے تو ٹیم کی راہنمائی کرنے والی سردار چیونٹی انھیں خطرے کا سگنل دیتی ہےاور بعض اوقات تو وہ ایک دوسرے کا سہارا لیتے ہوئے ایک پل بنا لیتی ہیں اور ساتھی چیونٹیاں ان کے اوپر سے گزر کر دشوار راستہ عبور کرنے میں کامیاب ہو جاتی ہیں۔ان تمام معلومات سے ہمیں نظم و ضبط ، محنت اور ٹیم ورک یعنی مل جل کر کام کرنے کا درس ملتا ہے
میرے بچو!
معلومات میں تھوڑا اور اضافہ کرتے ہیں
سائنس دانوں نے
دریافت کیا کہ چیونٹیاں اناج اور بیجوں کو جمع کرنے کے بعد!ان کو زمین میں لے جانے اور انہیں زمین کے اندر اپنے بِلوں میں رکھنے سے پہلے دو حصوں میں توڑ دیتی ہیں، کیونکہ اگر اناج و بیج دو حصوں میں تقسیم نہ کیا جائے تو وہ زمین کے اندر ہی پھوٹ جاتا ہے ہرا ہوجاتا…
اس سے بھی زیادہ حیرت اس بات پر کہ چیونٹیاں دھنیا کے بیج کو چار حصوں میں تقسیم کرتی ہیں، کیونکہ ایک دھنیا کا بیج ہی ہے جو دو حصوں میں بٹنے کے بعد بھی پھوٹ سکتا ہے،
اس لیے چیونٹیاں اس کو چار حصوں میں کاٹ کر تقسیم کرتی ہیں پھر اپنے بلوں کے اندر محفوظ کر کے رکھتی ہیں….
زرا غور کیجئے قرآن مجید میں باربار ان تمام مشاہدات پر غور وفکر کا حکم دیا گیا ہے۔
سوچنے کی بات..!
ان سب کو یہ کس نے سکھایا…؟
یقیناً ہمارے بلکہ ساری کائنات کے وحدہ لاشریک رب نے۔ میرے پیارے بچو یہ دعا کیجئے اے رب ہمارے علم میں اضافہ فرما، ہر وقت علم میں اضافہ کی دعا کیجئے اور اس ذات پاک کی پاکی بیان کیجیے….
سبحان الله وَ بِحَمدہ
سبحان اللہ العظیم…
دعاؤں کی طالب
شمائلہ تنویر
