پیپلز پارٹی کے چئیرمین بلاول بھٹو زرداری نے کہا ہے کہ آج مجھے خوشی ہورہی ہے کہ میں پنجاب کی سرزمین پر کھڑا ہو کر انتخابی مہم چلا رہا ہوں ، ہمارے معاشرے میں پرانے سیاست دان نفرت کی سیاست کر رہے ہیں،بھائی کو بھائی سے لڑوایا جارہا ہے ، ہم نے پرانی سیاست کو ہمشہ کے لئے دفن کرنا ہے،
سرگودھا کے علاقے بھلوال میں جلسہ عام سے خطاب کرتے ہوئے کہا کہ جو چوتھی بار الیکشن لڑ رہا ہے اس نے اپنا منشور نہیں دیا شیر کی جب حکومت بنتی ہے سب سے پہلے ہمارا ، کسانوں کا مزدوروں کا خون چوسا جاتا ہے، ہماری نقل کی جارہی ہے مگر نقل کے لئے عقل کی ضرورت ہوتی ہے جو ان کے پاس نہیں، مجھے حکومت ملی تو ویسے ہی چلاؤں گا جیسے صدر زرداری اور بینظیر نے چلائی،بلاول زرداری کا کہنا تھا کہ نفرت اور تقسیم کی سیاست سے معاشرہ تقسیم ہورہا ہے۔ملک میں جمہوری بحران ہے اور باقی سیاسی جماعتوں کو کرسی کی فکر ہے، نفرت اور تقسیم کی پرانی سیاست کو ہمیشہ کیلئے دفن کرنا ہے، یہ چاہتے ہیں کسی نہ کسی طریقے سے چوتھی بار ان کو کرسی ملے۔گالم گلوچ کی سیاست پر نہیں بلکہ اپنے منشور پر الیکشن لڑ رہا ہوں، منشور میں شامل 10 نکاتی ایجنڈا میں نے اپنے ہاتھوں سے لکھا ہے، میرے 10 نکات آپ کو گھر گھر پہنچانا ہے، ہم فصلوں کا انشورنس کرائیں گے تاکہ سیلاب آئے کوئی نقصان ہوتا نقصان ہم برداشت کریں۔
بھلوال کے عوام نے استحصال، تقسیم اور نفرت کو مسترد کرنے کا انتخاب کیا ہے۔ وہ مفت صحت اور تعلیم کے ساتھ مستقبل کا انتخاب کرتے ہیں۔ بلاول بھٹو زرداری @BBhuttoZardari @AseefaBZ @BakhtawarBZ @MediaCellPPP #چنو_نئی_سوچ_کو #VoteForPPP #VoteForTeer pic.twitter.com/EN8NSCn8df
— Waseem Ali Khokhar (@wasim54k) January 24, 2024
بلاول زرداری کا مزید کہنا تھا کہ 3 بار وزیر اعظم بنے عوام کیلئے تو چھوڑیں اپنے لئے بھی ہسپتال نہیں بنایا ، ان کیلئے رائیونڈ میں مفت ہسپتال بناؤں گا، چوتھی بار الیکشن لڑنے والا اپنے منشور کے بارے میں نہیں بتاسکا، ہم حکومت بناکر ملک کو ترقی یافتہ بنائیں گے، وزیراعظم بنا تو وعدہ ہے آپ کی آمدنی کو ڈبل کریں گے، غریب عوام کو 300 یونٹ تک مفت بجلی دلاؤں گا، میں سندھ میں 20 لاکھ پکے گھر بناکر مالکانہ حقوق دے رہا ہوں، ملک بھر میں 30 لاکھ گھر بناکر خواتین کو مالکانہ حقوق دوں گا، پی پی حکومت بنی تو کچی آبادی کو مالکانہ حقوق دلائیں گے، کیا آپ چاہتےہیں اس شخص کو چوتھی بار مسلط کیا جائے یا اس کا راستہ روکا جائے؟ہ میرے وعدے ایسے نہیں جو پرانے سیاستدان کرتے آئے ہیں، یہ وہ وعدے ہیں جو قائد عوام نے کئے اور اس پر عملدرآمد ہوتا تھا، یہ وہ وعدے ہیں جب بینظیر بھٹو کرتی تھیں تو پورا کرتی تھیں
