اپنی بیوی کو کلہاڑی کے وارسے قتل کرنے والا ملزم گرفتار

اپنی بیوی کو کلہاڑی کے وارسے قتل کرنے والا ملزم گرفتار
مردان کے تھانہ جبر پولیس نے کامیاب کارروائی کی ہے اور اپنی بیوی کو کلہاڑی کے وارسے قتل کرنے والا ملزم گرفتارکر لیا

18 جون کو مدعی مقدمہ نزیرالرحمان سکنہ گڑیالہ نے اپنی بیٹی مسماة (ز) کے قتل کی رپورٹ برخلاف مقتولہ کے شوہر مسمی باز محمدولد پہلوان سکنہ نورآباد ساولڈھیردرج کرائی تھی۔ اس واقعہ کا نوٹس لیتے ہوئے ڈی پی او ڈاکٹرزاہداللہ نے ڈی ایس پی رورل سرکل عدنان اعظم کی نگرانی میں ایس ایچ او تھانہ جبر بشیرخان اور تفتیشی افسران پر مشتمل خصوصی ٹیم تشکیل دی جنہوں نے اپنی پیشہ ورانہ صلاحیتوں کو بروئے کار لاتے ہوئے ملزم باز محمد تک رسائی حاصل کرکے گرفتارکرلیا۔

گرفتارملزم نے دوران تحقیقات اپنے جرم کا اعتراف کرتے ہوئے مقتولہ کے ساتھ وجہ عناد گھریلو تنازعہ بیان کی ہے جس سے مزید تفتیش جاری ہے۔

قبل ازیں ڈی پی او ڈاکٹر زاہد اللہ کا سماجی جرائم میں ملوث عناصر کے خلاف بلا امتیاز کارروائیوں کی جاری کردہ احکامات پر سرکل ڈی ایس پی کی نگرانی اور ایس ایچ او بخت زادہ خان کی قیادت میں تھانہ شہباز گڑھ پولیس نے کامیاب کارروائی کے دوران مدعی مقدمہ محمد اسماعیل سکنہ سنگ مر مر زنڈوڈھیری کے گھر کیساتھ میدان سے گائے چوری کرنے والے تین رکنی چور گروہ صاحبزادہ ولد خائستہ سکنہ تیمرگرہ لوئر دیر، محمد صدیق ولد محمد دیار سکنہ سکنہ تنگی چارسدہ اور وارث خان ولد محمد زادہ سکنہ درگئی تک رسائی حاصل کرکے گرفتار کر لیا۔

گرفتار ملزمان نے دوران انٹاروگیشن اپنے جرم کا اعتراف کرتے ہوئے ان کے قبضے سے گائے فروخت کرنے سے حاصل شدہ رقم مبلغ 01لاکھ 35 ہزار روپے برآمد ہوکر ملزمان کو پابند سلاسل کیا گیا جن سے مزید تفتیش جاری ہے۔