نیویارک:قیمتی ایپل ہیڈ فون چھیننے والا گروہ سرگرم

نیویارک : پارک، یا ریستورانوں میں بیٹھے افراد کےسرسے قیمتی ایپل ہیڈ فون چھین کرفرارہونے والا چوروں کا گروہ منظم ہو گیا ، جنوری سے لے کر، نیویارک سٹی پولیس ڈیپارٹمنٹ نے 21 واقعات درج کیے ہیں

باغی ٹی وی: غیر ملکی میڈیا کے مطابق یہ وارداتیں 28 جنوری سے شروع ہو ئیں اور اب تک 21 افراد اپنے قیمتی ایپل ہیڈفون سے محروم ہوچکے ہیں ہیڈفون ڈکیتوں میں کم سے کم چار افراد شامل ہے۔

غیر ملکی میڈیا کے مطابق دو افراد ایئربڈز پہنے شخص کے پیچھے جاکر ہیڈفون چھین لیتے ہیں اور فوراً فرار ہوجاتے ہیں اور خاص طور پر ایپل میکس ہیڈفونز چھینتے ہیں پولیس نے بتایا کہ کسی بھی چوری میں کوئی زخمی نہیں ہوا۔

ایپل میکس ہیڈفونزکی قیمت 549 ڈالر تک ہے پاکستانی روپوں میں اس کی قدر 140000 روپے ہے کیونکہ یہ شور کو کم کرتے ہیں اور نوائز کینسل کرنے کی خاصیت بھی رکھتے ہیں اس طرح ہیڈفون لگا کر آپ اطراف کا شور سننے سے محفوظ رہ سکتے ہیں۔

پولیس کے مطابق اگرچہ یہ واقعات ہر جگہ ہوئے ہیں لیکن سب سے زیادہ وارداتیں نیویارک کے مشہور سینٹرل پارک میں ہوئی ہیں اور 18 سے 41 برس کے افراد اس کا نشانہ بنے ہیں عموماً یہ ڈکیت دوپہر میں واردات کرتے ہیں۔

ریکارڈ کے مطابق 8 فروری کو 5 اور 18 فرروی کو 8 ہیڈفون چھینے گئے ہیں تمام چور اب تک پولیس کی گرفت سے آزاد ہیں۔

نیویارک یونیورسٹی، جس میں کچھ چوری کے مقامات کے قریب کیمپس کی عمارتیں ہیں، نے 10 فروری کو طلباء کو ان واقعات کے بارے میں الرٹ بھیجا۔

ای میل میں، یونیورسٹی نے کہا کہ دو طالب علم ہیڈ فون چوری کرنے کی کوشش کا نشانہ بنے تھے اور ایک طالب علم کا ایئر پوڈ میکس ہیڈ فون چوری ہو گیا تھا۔ یونیورسٹی نے طلباء کو مشورہ دیا کہ وہ اپنے اردگرد کے ماحول سے باخبر رہیں اور اپنے فون اور دیگر قیمتی اشیاء کو اپنی جیبوں میں رکھیں۔